ده‌قى بریارى ناردنى هێزى پێشمه‌رگه‌ى هه‌رێمى کوردستان بۆ به‌رگرى له‌ کۆبانێ

10/23/2014 12:23:00 PM
وێنەکان
ده‌قى بریارى ناردنى هێزى پێشمه‌رگه‌ى هه‌رێمى کوردستان بۆ به‌رگرى له‌ کۆبانێ
جەماوەر نیوز
جه‌ماوه‌رنیوز
 
بڕیارى ژماره‌(٢٨)ى ساڵى ٢٠١٤

پاڵپشت به‌ خوکمى بڕگه‌ (یه‌ک) له‌ ماده‌ی(٥٦)ى یاساى هه‌ڵبژاردنى په‌رله‌مانى کوردستان، ژماره‌ (١)ى ساڵى ١٩٩٢ هه‌موارکراو، له‌سه‌ر داواى سه‌رۆکى هه‌رێمى کوردستان و به‌ پێى بڕگه‌ى یانزده‌یه‌م له‌ ماده‌ی(١٠)ى یاساى سه‌رۆکایه‌تى هه‌رێمى کوردستان، ژماره‌(١)ى ساڵى ٢٠٠٥ هه‌موارکراو، په‌رله‌مانى کوردستان له‌ دانیشتنى ژماره‌ (٧)ى ڕۆژى ٢٢-١٠-٢٠١٤ ئه‌م بڕیاره‌ى دا:

یه‌که‌م:ڕه‌زامه‌ندى ده‌ربڕین له‌سه‌ر ناردنى هێزى پێشمه‌رگه‌ى هه‌رێمى کوردستان بۆ به‌رگرى له‌ کۆبانێ.

دووه‌م: له‌سه‌ر وه‌زاره‌تى کاروبارى پێشمه‌رگه‌ و لایه‌ن په‌یوه‌نداره‌کان پێویسته‌، حوکمه‌کانى ئه‌م بڕیاره‌ جێبه‌جێ بکه‌ن.

سێیه‌م: ئه‌م بڕیاره‌ له‌ ڕۆژى ده‌رچوونییه‌وه‌ له‌ ٢٢-١٠-٢٠١٤ جێ به‌جێ ده‌کرێت و له‌ ڕۆژنامه‌ى فه‌رمى (وه‌قایعى کوردستان)بڵاوده‌کرێته‌وه‌.
هۆیه‌کانى ده‌رچواندن

له‌سه‌ر داواى سه‌رۆکى هه‌رێمى کوردستان و به‌ پێى بڕگه‌ى (یازده‌یه‌م) ى ماده‌ى (ده‌یه‌م) له‌یاساى سه‌رۆکایه‌تى هه‌رێمى کوردستان ژماره‌(١)ساڵى (٢٠٠٥) هه‌موارکراو، به‌پێى ئه‌و ده‌سه‌ڵاته‌ى پێى دراوه‌ بۆ جوڵاندنى هێزى پێشمه‌رگه‌ بۆ ده‌ره‌وه‌ى هه‌رێمى کوردستان به‌ڕه‌زامه‌ندى په‌رله‌مانى کوردستان و به‌ مه‌به‌ستى پاراستنى ئاسایشى نیشتمانى له‌ مه‌ترسییه‌کانى تیرۆر به‌تایبه‌ت کرده‌کانى ڕێکخراوى تیرۆرستى داعش و به‌و پێیه‌ى عێراق و هه‌رێمى کوردستان به‌شێکن له‌ هاوپه‌یمانى نێوده‌وڵه‌تى بۆ به‌ره‌نگارى تیرۆر، وه‌ک به‌شێک له‌ پێداویستییه‌کانى بڕیارى په‌رله‌مانى کوردستان ژماره‌ (٢٤) له‌ ١٥-١٠-٢٠١٤ ئه‌م بڕیاره‌ ده‌رچوێنرا.
      
                                                               یوسف محه‌مه‌د سادق
                                                       سه‌رۆکى په‌رله‌مانى کوردستان
                                                             ٢٢-١٠-٢٠١٤


لۆگۆ
سەرپێچی

وتار

زۆرترین خوێندراو