ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
زیانلێکه‌وتووانى ئه‌نفله‌وه‌نزاى باڵنده قه‌ره‌بووده‌کرێنه‌وه
5/19/2015 4:24:00 PM
جەماوەر نیوز
جه‌ماوه‌رنیوز
به مه‌به‌ستى تاووتوێکردنى نه‌خۆشیى ئه‌نفله‌وه‌نزاى باڵنده و چاره‌سه‌رکردنى کێشه و گرفتى مریشک فرۆشه‌کان دواى ده‌رکردنى بڕیارى دانانى 2 کیلۆ و قه‌ده‌غه‌کردنى سه‌ربڕین له دوکان و کۆڵانه‌کاندا، پاشنیوه‌ڕۆى ئه‌مڕۆ 19 ى ئایارى 2015 لیژنه‌ى کشتوکاڵ و ئاژه‌ڵدارى و ئاودێرى و به‌نداوه‌کان له په‌رله‌مانى کوردستان، به سه‌رۆکایه‌تیى غه‌ریب مسته‌فا جێگرى لیژنه و ئاماده‌بوونى ژماره‌یه‌ک له گشتیى ڤێته‌رنه‌رى و سامانى ئاژه‌ڵ له وه‌زاره‌تى کشتوکاڵ کۆبۆوه.
له کۆبوونه‌وه‌که‌دا عه‌باس عه‌لى به‌ڕێوه‌به‌رى گشتیى ڤێته‌رنه‌رى و سامانى ئاژه‌ڵ له وه‌زاره‌تى کشتوکاڵ، کورته‌یه‌کى سه‌باره‌ت به هه‌وڵه‌کانى حکومه‌ت و وه‌زاره‌ته‌که‌ى بۆ کۆنتڕۆڵکردنى بڵاوبوونه‌وه‌ى نه‌خۆشیى ئه‌نفله‌وه‌نزاى باڵنده باسکرد و لیژنه‌ى کشتوکاڵیشى دڵنیا کرده‌وه که ئه‌و که‌سانه‌ى که په‌له‌وه‌ره‌کانیان به‌هۆى بڵاوبوونه‌وه‌ى ئه‌و نه‌خۆشییه له نێویاندا له‌ناو ده‌برێن قه‌ره‌بوو ده‌کرێنه‌وه.
پاشان له‌لایه‌ن لیژنه‌که‌وه کۆمه‌ڵێک پرسیار ئاراسته‌ى به‌ڕێوه‌به‌رى گشتیى ڤێته‌رنه‌رى و سامانى ئاژه‌ڵ سه‌باره‌ت به بڵاوبوونه‌وه‌ى نه‌خۆشیى ئه‌نفله‌وه‌نزاى باڵنده و کێشه‌کانى مریشک فرۆشه‌کان کرا.
غه‌ریب مسته‌فا جێگرى سه‌رۆکى لیژنه‌ى کشتوکاڵ و ئاژه‌ڵدارى و ئاودێرى و به‌نداوه‌کان، سه‌باره‌ت به ناوه‌ڕۆکى کۆبوونه‌وه‌که، رایگه‌یاند: "نه‌خۆشى ئه‌نفله‌وه‌نزاى باڵنده دواى پشکنینه‌کان له گوندێکى ناوچه‌ى پیره‌مه‌گروون تۆمارکراوه و قه‌ل و قاز و مریشک و پشیله مرداربوونه‌ته‌وه و ده‌رکه‌وتووه که ئه‌نفله‌وه‌نزاى باڵنده‌یه".
ئاماژه‌ى به‌وه‌شدا: "وه‌زاره‌تى کشتوکاڵ نزیکه‌ى 500 ملیۆن دینارى دابین کردووه بۆ ئه‌و شوێنانه‌ى که رووبه‌ڕووى ئه‌و نه‌خۆشییه ده‌بنه‌وه و قه‌ره‌بووى ئه‌و هاووڵاتییانه‌ش ده‌کرێته‌وه که به په‌له‌وه‌ره‌کانیان له‌لایه‌ن وه‌زاره‌ته‌وه له‌ناو ده‌برێن و زیانیان پێده‌گات، به پێى سیسته‌میش هه‌رچى په‌له‌وه‌ر و مریشکى ئه‌و شوێنه به یه‌ک کیلۆ مه‌تر له چوارده‌ورى له‌ناو ده‌برێت و به درێژایى سێ کیلۆ مه‌تریش ده‌رمانڕشێن ده‌کرێت بۆ کۆنتڕۆڵکردن و بڵاونه‌بوونه‌وه‌ى نه‌خۆشییه‌که".
وتیشى: "بۆ رێگه‌گرتن له بڵاوبوونه‌وه‌ى ئه‌نفله‌وه‌نزاى باڵنده بڕیار دراوه ئه‌و سه‌ربڕینه‌ى که له دوکان و کۆڵانه‌کاندا ده‌کرێت کۆنتڕۆڵ بکرێت و نه‌هێڵدرێت، تا ئێستاش هیچ کێڵگه و پڕۆژه په‌له‌وه‌رێک تووشى نه‌خۆشیى ئه‌نفلۆزاى باڵنده نه‌بوون".
سه‌رۆکى لیژنه‌ى کشتوکاڵ ئه‌وه‌شى راگه‌یاند: "لایه‌نه په‌یوه‌ندیداره‌کان به‌ڵێنیان داوه که دوکانداره مریشک فرۆشه‌کان تووشى زیان نه‌بن و له‌مه‌ودوا له رێگه‌ى کوشتارگه‌کانه‌وه مریشک و په‌رله‌وه‌ر سه‌رببڕدرێت و پاشان به بازاێ بکرێت و خاوه‌ن دوکانه‌کانیش له‌وێوه مریشکى سه‌ربڕدراو به پێى پێویستیى خۆیان بکڕن و بفرۆشنه‌وه".
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023