4
7 نێچیرڤان بارزانى و کونسوڵى نوێى ئه‌ڵمانیا، په‌یوه‌ندییه‌کانى هه‌ولێر و به‌رلین دووپات ده‌که‌نه‌وه‌
12/9/2017
Increase text size Decrease text size

جه‌ماوه‌رنیوز







پێشنیوه‌ڕۆى ئه‌مڕۆ سێ شه‌ممه‌ 12 ى ئه‌یلولى 2017 ، نێچیرڤان بارزانى سه‌رۆک وه‌زیرانى هه‌رێمى کوردستان، پێشوازى له‌ کیرت ستۆکڵ ستیلفێرد کونسوڵى نوێى ئه‌ڵمانیا له‌ هه‌رێمى کوردستان و شاندێکى یاوه‌رى کرد.

له‌ دیدارێکدا ستیلفێرد خۆشحاڵیى خۆى ده‌ربڕى که‌ وه‌ک کونسوڵى نوێى وڵاته‌که‌ى له‌ هه‌رێمى کوردستان ده‌ستى به‌ کار کردووه‌ و سوپاسى داموده‌زگاکانى حکوومه‌تى هه‌رێمى کوردستانى کرد بۆ ئه‌و هاوکارى و هه‌ماهه‌نگییه‌ى تا ئێستا له‌ بواره‌ جیاوازه‌کاندا پێشکه‌شى کونسوڵخانه‌ى وڵاته‌که‌یان له‌ هه‌ولێر کردووه‌ و هیواى به‌رده‌وامیى ئه‌و هاوکارى و هه‌ماهه‌نگییه‌ی له‌ داهاتوودا خواست.

ئاماژه‌ى به‌وه‌ش دا که‌ ئه‌ڵمانیا گرنگییه‌کى زۆر به‌ په‌یوه‌ندییه‌ دووقۆڵییه‌کانى له‌گه‌ڵ هه‌رێمى کوردستان ده‌دات و به‌رده‌وامى و تۆکمه‌کردنى زیاترى په‌یوه‌ندییه‌کانیشى دووپات کرده‌وه‌.

لاى خۆیه‌وه‌ سه‌رۆک وه‌زیرانى هه‌رێمى کوردستان پیرۆزبایى له‌ به‌ڕێز کونسوڵى نوێى ئه‌ڵمانیا له‌ هه‌رێمى کوردستان کرد و هیواى سه‌رکه‌وتنى بۆ خواست له‌ کار و ئه‌رکه‌ نوێکه‌یدا، هه‌روه‌ها سوپاسى هاوکارییه‌ سه‌ربازى و مرۆییه‌کانى ئه‌ڵمانیاى کرد بۆ هه‌رێمى کوردستان به‌تایبه‌تیش له‌ بوارى مه‌شق و ڕاهێنانى سه‌ربازیدا و په‌یوه‌ندییه‌ دووقۆڵییه‌کانى نێوان هه‌ولێر و به‌رلینیشى دووپات کرده‌وه.

له‌ به‌شێکى دیکه‌ى قسه‌کانیدا باسى ئه‌و نه‌هامه‌تیانه‌ى کرد‌ که‌ له‌ چوارچێوه‌ى عیراقدا به‌سه‌ر گه‌لى کورد دا هاتوون و دووپاتى کرده‌وه‌ که‌ ڕیفراندۆم ئامرازێکه‌ بۆئه‌وه‌ى خه‌ڵکى کوردستان په‌یوه‌ندى خۆى له‌ ئێستا و داهاتوودا له‌گه‌ڵ به‌غدا دیارى بکات و ببێته‌ ڕێگرێک له‌ دووباره‌بوونه‌وه‌ى ئه‌و نه‌هامه‌تیانه‌. 

جه‌ختیشى کرده‌وه‌ که‌ هه‌رێمى کوردستان خوازیارى ئه‌وه‌یه‌ دیالۆگێکى جددى له‌ نێوان هه‌ولێر و به‌غدا بۆ چاره‌سه‌رکردنى سه‌رجه‌م کێشه‌ هه‌ڵواسراوه‌کان هه‌بێت و له‌مباره‌یه‌شه‌وه‌ ڕۆڵى کۆمه‌ڵگه‌ى نێوده‌وڵه‌تى به‌ پێویست زانی.
 



ناو
کۆمێنت



hizb
5
ئایا کورد ده‌توانێ سود له‌بارودۆخى دواى داعش وه‌ربگرێ ؟


ئه‌نجامدانى ڕیفراندۆم له‌جوگرافیاى قه‌یرانى به‌هاکاندا کارێکى ناوازه‌یه‌
ئایا به‌به‌شدارى سه‌رجه‌م لایه‌نه‌کان په‌رله‌مانى کوردستان کاراده‌کرێته‌وه‌
چه‌مکى ئاشتى لاى حزبى سۆسیالیست دیموکراتى کوردستان
هه‌رێمى کوردستان سیسته‌مى په‌روه‌رده‌ى له‌ پێشینه‌ى کاره‌کانى داناوه‌
هه‌نگاوه‌ نوێیه‌کانى ڕووسیا له‌ ڕۆژهه‌ڵاتى ناوه‌ڕاست
ئاواره‌کانى جه‌رف ئه‌لسه‌خر گه‌ڕانه‌وه‌یان لێ قه‌ده‌غه‌ ده‌کرێ‌
Created by AVESTA Group