4
7 بارزانی: که‌رکوکیه‌کان خۆیان بڕیارده‌ده‌ن وهیچ که‌سێک ناتوانێ خۆى به‌سه‌ر یاندا بسه‌پێنێت
12/9/2017
Increase text size Decrease text size

جه‌ماوه‌رنیوز







 ئه‌مڕۆ 12ى ئه‌یلولى 2017 ، به‌رێزمه‌سعود بارزانى سه‌رۆکى هه‌رێمى کوردستان،به‌ئاماده‌بونى به‌رێز محه‌مه‌دى حاجى مه‌حمود له‌ کۆبوونه‌وه‌یدا، له‌گه‌ڵ پارێزگارى که‌رکووک و نوێنه‌رى ته‌واوى پێکهاته‌ نه‌ته‌وه‌ییه‌کانى شاره‌که‌ رایگه‌یاند، بڕیارى ئه‌نجامدانى ریفراندۆم دواى ئه‌وه‌ هات، که‌ هه‌موو رێگه‌یه‌ک تاقیکرایه‌وه‌، به‌ڵام ته‌واوى هه‌وڵه‌کان بێسوود بوون ،بۆیه‌ هیچ که‌سێک ناتوانێ خۆى به‌سه‌ر که‌رکووک و پێکهاته‌ نه‌ته‌وه‌ییه‌کانیدا بسه‌پێنێت 

بارزانی له‌ که‌رکووک له‌گه‌ڵ پارێزگارى که‌رکووک و نوێنه‌رى ته‌واوى پێکهاته‌ نه‌ته‌وه‌ییه‌کانى ئه‌و شاره‌ کۆبوویه‌وه‌ و له‌ کۆبوونه‌وه‌که‌دا رایگه‌یاند، ریفراندۆم بۆ ئه‌وه‌یه‌ رێگه‌ له‌ کێشه‌ و ئاڵۆزى دیکه‌ى زیاتر بگرێت له‌ ناوچه‌که‌، نه‌ک به‌ پێچه‌وانه‌وه‌.

بارزانی) دڵنیایى دایه‌ هه‌مووان که‌ پێویسته‌ که‌رکووک وه‌کو نموونه‌یه‌کى پێکه‌وه‌ژیان نێوان پێکهاته‌ نه‌ته‌وه‌ییه‌کان بمێنێته‌وه‌ و که‌رکووک هه‌میشه‌ پارێزراو ده‌بێت و پێشمه‌رگه‌ ده‌یپارێزێت.

دووپاتیشى کرده‌وه‌، هیچ حیکمه‌تێک له‌ دواخستنى ریفراندۆمدا نییه‌ و له‌کاتى خۆیدا ئه‌نجام ده‌درێت. روونیشیکرده‌وه‌، دواى ریفراندۆم، گفتوگۆ له‌گه‌ڵ به‌غدا ده‌ستپێده‌که‌نه‌وه‌.

له‌ کۆبوونه‌وه‌که‌دا بارزانی ئاماژه‌یشى  به‌وه‌دا که‌ئه‌گه‌ر مادده‌ى 140ى ده‌ستوور جێبه‌جێ بکرایه‌، کێشه‌کان چاره‌ سه‌رده‌بوون و وتی: "نیه‌تى شه‌ڕکردنمان نییه‌،‌ به‌ڵام مافى به‌رگرى کردنمان هه‌یه‌". هه‌روه‌ها جه‌ختى له‌سه‌ر ئه‌وه‌ش کرده‌وه‌، ئه‌وه‌ى شه‌ڕ هه‌ڵده‌گیرسێنێت، ده‌بێت چاوه‌ڕوانى وه‌ڵامه‌که‌شى بکات. ئاماژه‌ى به‌ ده‌ستوورى عێراقیش کرد و رایگه‌یاند، له‌ ده‌ستووردا عێراقى یه‌کپارچه‌ پێوه‌سته‌ به‌ جێبه‌جێکردنى ده‌ستووره‌وه‌ و پێکه‌وه‌ژیانیش ئاره‌زوومه‌ندانه‌یه‌.

بارزانى ووتی: " گوێ به‌هیچ هه‌ڕه‌شه‌یه‌ک ناده‌ین و ئامۆژگارییان ده‌که‌ین با سه‌یرى ئه‌وانه‌ى پێش خۆیان بکه‌ن، له‌ شه‌ڕدا چییان ده‌ست که‌وت". وتیشی: "که‌رکووک و که‌رکووکییه‌کان بڕیارى خۆیان ده‌ده‌ن و هیچ که‌سێک ناتوانێت خۆى به‌سه‌ر که‌رکووک و پێکهاته‌ نه‌ته‌وه‌ییه‌کانیدا بسه‌پێنێت".

بارزانى له‌باره‌ى بڕیارى ریفراندۆمیشه‌وه‌ ده‌ڵێ، بڕیارى ئه‌نجامدانى ریفراندۆم دواى ئه‌وه‌ هات، که‌ هه‌موو رێگه‌یه‌ک تاقیکرایه‌وه‌، به‌ڵام ته‌واوى هه‌وڵه‌کان بێسوود بوون.


ناو
کۆمێنت



hizb
5
ئایا کێشه‌کانى هه‌رێم به‌هه‌ڵبژاردن چاره‌سه‌ر ده‌بێت ؟


توند و تێژی دژ به‌ژنان برینێکی سارێژ نه‌بوو
ئه‌گه‌ر ئه‌زانن خه‌ونه‌ .... بۆچى ڕامان ئه‌چڵه‌کێنن
دروشمى حزبه‌کان له‌ناوچه‌ داگیرکراوه‌کانى کوردستان چى ده‌بێت ؟
هه‌رێمى کوردستان سیسته‌مى په‌روه‌رده‌ى له‌ پێشینه‌ى کاره‌کانى داناوه‌
هه‌نگاوه‌ نوێیه‌کانى ڕووسیا له‌ ڕۆژهه‌ڵاتى ناوه‌ڕاست
ئاواره‌کانى جه‌رف ئه‌لسه‌خر گه‌ڕانه‌وه‌یان لێ قه‌ده‌غه‌ ده‌کرێ‌
Created by AVESTA Group