4
7 مه‌لا به‌ختیار : ئه‌و حه‌وت خاڵه‌ى که‌ پارتى و یه‌کێتى واژۆیان له‌سه‌ر کردبوو گۆڕانیش قبووڵیه‌تى
12/9/2017
Increase text size Decrease text size

جه‌ماوه‌رنیوز







ئه‌مڕۆ 12 ى ئه‌یلولى 2017 ،مه‌لا به‌ختیار لێپرسراوى ده‌سته‌ى کارگێرى مه‌کته‌بى سیاسى یه‌کێتى نیشتمانى کوردستان ناوه‌ڕۆکى کۆبوونه‌وه‌ى سێقۆڵى نێوان پارتى و یه‌کێتى و گۆڕانى ئاشکرا کرد که‌ گفتوگۆیان له‌باره‌ى ریفراندۆم و کاراکردنه‌وه‌ى په‌رله‌مان کردووه‌ که‌تایبه‌ته‌ به‌ رێکه‌وتنه‌ حه‌وت خاڵه‌که‌ى نێوان یه‌کێتى و پارتى له‌وباره‌یه‌شه‌وه‌ ده‌ڵى بزوتنه‌وه‌ى گۆڕان ره‌زامه‌ندى له‌سه‌ر ده‌ر بڕیووه‌ .
 
دواى ئه‌وه‌ى ئه‌مڕۆ کۆبونه‌وه‌ى سێقۆڵى نێوان پارتى دیموکرات و یه‌کێتى نیشتمانى و بزوتنه‌وه‌ى له‌شارى هه‌ولێر ئه‌نجامدرا ، مه‌لا به‌ختیار لێپرسراوى ده‌سته‌ى کارگێڕى مه‌کته‌بى سیاسى یه‌کێتیى نیشتمانى کوردستان له‌ پڕێس کۆنفرانسێکدا رایگه‌یاند، که‌ له‌ کۆبوونه‌وه‌که‌دا ئه‌و حه‌وت خاڵه‌ى که‌ پارتى و یه‌کێتى واژۆیان له‌سه‌ر کردبوو گۆڕانیش قبووڵیه‌تى و ماویه‌تى که‌ ئه‌وانیش له‌گه‌ڵ خانه‌ى راپه‌ڕاندن تاوتوى بکه‌ن.

ئه‌وه‌شى ئاشکرا کرد که‌له‌سه‌ر کاراکردنه‌وه‌ى په‌رله‌مان و ریفراندۆم گفتوگۆمان کرد و سبه‌ى یان دووسبه‌ى بۆ دوابڕیار کۆده‌بینه‌وه‌، ووتیشى بۆچوونه‌کانمان هاوبه‌شن و هه‌ندێ مه‌سه‌له‌ى ته‌کنیکى ماون یان بۆ سبه‌ینێ یان بۆ دووسبه‌ى بڕیارى له‌باره‌وه‌ ده‌درێ .

هه‌ر له‌کۆنگره‌ رۆژنامه‌وانییه‌که‌یدا مه‌لا به‌ختیار  وتی: ئومێده‌وارین کۆبونه‌وه‌که‌ى گۆڕان له‌گه‌ڵ براده‌رانى خۆیان و کۆبوونه‌وه‌ى ئێمه‌ش له‌گه‌ڵ پارتى و کۆمه‌ڵ و یه‌کگرتوو ئه‌رێنى بێت و سه‌رکه‌وتوو بێت تا په‌رله‌مان کارابکرێته‌وه‌و  له‌وێشه‌وه‌ به‌یاسا بڕیار له‌ ریفراندۆمى هه‌رێم بدرێت و پێکه‌وه‌ به‌دڵخۆشى بچنه‌ بانگه‌شه‌ى ریفراندۆم تا چاره‌سه‌رى قه‌یرانى سیاسى ئابورى و پاشه‌که‌وتى مووچه‌ تێپه‌ڕێنین ، هیواشى خواست ئه‌م دوو رۆژه‌ بۆ مێژووى گه‌لى کورد چاره‌نوسساز بێت هه‌واڵى دڵخۆشکه‌ر به‌خه‌ڵکى کوردستان بده‌ین .


ناو
کۆمێنت



hizb
5
ئایا کورد ده‌توانێ سود له‌بارودۆخى دواى داعش وه‌ربگرێ ؟


ئه‌نجامدانى ڕیفراندۆم له‌جوگرافیاى قه‌یرانى به‌هاکاندا کارێکى ناوازه‌یه‌
ئایا به‌به‌شدارى سه‌رجه‌م لایه‌نه‌کان په‌رله‌مانى کوردستان کاراده‌کرێته‌وه‌
چه‌مکى ئاشتى لاى حزبى سۆسیالیست دیموکراتى کوردستان
هه‌رێمى کوردستان سیسته‌مى په‌روه‌رده‌ى له‌ پێشینه‌ى کاره‌کانى داناوه‌
هه‌نگاوه‌ نوێیه‌کانى ڕووسیا له‌ ڕۆژهه‌ڵاتى ناوه‌ڕاست
ئاواره‌کانى جه‌رف ئه‌لسه‌خر گه‌ڕانه‌وه‌یان لێ قه‌ده‌غه‌ ده‌کرێ‌
Created by AVESTA Group