نێچیرڤان بارزانی بۆ ڕیفراندۆم چالاکی ده‌بێت

9/13/2017 1:46:00 PM
وێنەکان
نێچیرڤان بارزانی بۆ ڕیفراندۆم چالاکی ده‌بێت
جەماوەر نیوز
جه‌ماوه‌رنیوز







سکرتێری ڕۆژنامه‌وانیی سه‌رۆک وه‌زیرانی هه‌رێمى کوردستان ئه‌و هه‌واڵانه‌ ڕه‌تده‌کاته‌وه‌ که‌ نێچیرڤان بارزانى له‌گه‌ڵ‌ ئه‌نجامدانی ڕیفراندۆمدا نییه‌، و ده‌ڵێت “نێچیرڤان بارزانى له‌پشتی په‌رده‌وه‌ به‌رده‌وام خه‌ریکی ئیشکردنه‌ بۆ ڕیفراندۆم ‌و له‌ ڕۆژانی ئاینده‌دا له‌ هه‌ڵمه‌تی پشتیوانیکردن له‌ ڕیفراندۆمدا چالاکی ده‌بێت".

سامی ئه‌رگۆشی سکرتێری ڕۆژنامه‌وانییى سه‌رۆک وه‌زیرانی هه‌رێمى کوردستان سه‌باره‌ت به‌ ‌بێده‌نگیی نێچیرڤان بارزانی له‌ هه‌ڵمه‌تی پشتیوانیکردن له‌ ڕیفراندۆمدا، به‌(‌ئاوێنه‌)‌ی ڕاگه‌یاند که‌ هۆکاره‌که‌ی ئه‌وه‌ بووه‌ ته‌نها چه‌ند ڕۆژێکه‌ هه‌ڵمه‌ته‌که‌ به‌ فه‌رمی ده‌ستیپێکردوه‌. 

ناوبراو وێڕاى به‌ ناڕاست له‌قه‌ڵه‌مدانى ئه‌و قسانه‌ که‌ گوایه‌ سه‌رۆکى حکومه‌ت له‌ ڕیفراندۆم ناڕازییه‌، وتی، ڕیفراندۆم پرۆسه‌یه‌کی سیسته‌ماتیکه‌ هه‌ر یه‌که‌ و ڕۆڵی خۆی ده‌بینێت، هه‌ر یه‌که‌ به‌پێی توانا ‌و په‌یوه‌ندى ‌‌و به‌پێی پێگه‌ی خۆی ئیشکردووه‌ له‌و بابه‌ته‌دا و نێچیرڤان بارزانیش له‌ چوار پێنج دیداری ڕۆژنامه‌وانیدا هه‌میشه‌ باسی له‌و بابه‌ته‌ کردووه‌ ‌‌و به‌پێی ئه‌و کات ‌و به‌رنامه‌یه‌ی که‌ هه‌یه‌تی بۆ ئه‌و مه‌به‌سته‌ چالاکی ده‌بێت و له‌ ڕۆژانی داهاتوودا به‌شداریی هه‌ڵمه‌تی پشتیوانیکردن له‌ ڕیفراندۆم ده‌کات.


لۆگۆ
سەرپێچی

وتار

زۆرترین خوێندراو