به‌رێز محه‌مه‌دى حاجى مه‌حمود پێشوازیکرد له‌وه‌فدێکى حزبى شیوعى کوردستان

11/12/2017 8:13:00 PM
وێنەکان
به‌رێز محه‌مه‌دى حاجى مه‌حمود پێشوازیکرد له‌وه‌فدێکى حزبى شیوعى کوردستان
جەماوەر نیوز
جه‌ماوه‌رنیوز







 پاش نیوه‌ڕۆى ئه‌مڕۆ 12 ى تشرینى دووه‌مى 2017 به‌رێز محه‌مه‌دى حاجى مه‌حمود به‌ئاماده‌بونى  رزگار غه‌فور کارگێڕى مه‌کته‌بى سیاسى و ره‌فعه‌ت محه‌مه‌د و به‌ختیار که‌ریم ئه‌ندامانى مه‌کته‌بى سیاسى و فه‌رهاد تۆفیق ئه‌ندامى ئه‌نجومه‌نى سه‌رکردایه‌تى حزبى سۆسیالیست دیموکراتى کوردستان له‌باره‌گاى مه‌کته‌بى سیاسى له‌شارى سلێمانى پێشوازیکرد  له‌ وه‌فدێکى مه‌کته‌بى سیاسى حزبى شوعى کوردستان.


له‌دیدارێکدا باس له‌دواین بارودۆخى سیاسى کوردستان و عێراق و ناوچه‌که‌ کرا ،به‌گرنگیه‌وه‌ باس له‌گۆڕانکاریه‌کان کرا که‌له‌ماوه‌ى رابردوو له‌که‌رکوک و ناوچه‌جێ ناکۆکه‌کان به‌خۆیه‌وه‌ بینیه‌ویه‌تى .

هه‌رله‌میانه‌ى  دیداره‌که‌دا جه‌خت له‌سه‌ر دانوسان کرایه‌وه‌ له‌چوارچێوه‌ى ده‌ستوردا که‌ده‌بێته‌ بنه‌مایه‌کى گرنگ بۆ چاره‌سه‌رکردنى کێشه‌کان و جه‌خت کردنه‌وه‌ له‌سه‌ر لۆژیکى دانوسان کرایه‌وه‌ که‌ده‌بێته‌ فاکته‌رێکى گرنگ بۆ چاره‌سه‌رى ئاریشه‌و گرفته‌کان.

هه‌رله‌دیداره‌که‌دا جه‌خت له‌سه‌ر رێکخستنه‌وه‌ى نێو ماڵى کورد کرایه‌وه‌ که‌ گرنگه‌ له‌ئێستادا له‌هه‌مووکات زیارت کورد ولایه‌نه‌کان پێویستى به‌یه‌کگوتارى هه‌یه‌ که‌ده‌بێته‌ بنه‌ماى چاره‌سه‌رکردنى کێشه‌کان ،هاوکات جه‌خت کرایه‌وه‌ له‌سه‌ر باشکردنى بژێوى هاوڵاتیان  و چاره‌سه‌رکردنى گرفتى مووچه‌و که‌له‌ئه‌ستۆى حکومه‌تى هه‌رێمى کوردستاندایه‌ .

له‌به‌شێکى ترى دیداره‌که‌دا ته‌ئکید له‌سه‌ر به‌ره‌دانى زیاترى په‌یوه‌ندیه‌کانى نێوان هه‌ردوو حزبى سۆسیالیست دیموکراتى کوردستان و حزبى شیوعى کوردستان کرایه‌وه‌ .



لۆگۆ
سەرپێچی

وتار

زۆرترین خوێندراو