به‌رێز محه‌مه‌دى حاجى مه‌حمود هاوخه‌مى و سه‌ره‌خۆشى له‌قوربانیانى بومه‌له‌رزه‌که‌ ده‌کات

11/14/2017 7:36:00 PM
وێنەکان
به‌رێز محه‌مه‌دى حاجى مه‌حمود هاوخه‌مى و سه‌ره‌خۆشى له‌قوربانیانى بومه‌له‌رزه‌که‌ ده‌کات
جەماوەر نیوز
جه‌ماوه‌رنیوز







به‌رێز محه‌مه‌دى حاجى مه‌حمود له‌دیدارێکى تایبه‌تى جه‌ماوه‌رنیوزدا په‌یامى هاوخه‌مى خۆى ئاراسته‌ى که‌سوکارى قوربانیانى بومه‌له‌رزه‌که‌ کرد ووتى : " هاوخه‌مى خۆم ده‌ربڕم بۆ قوربانیانى بومه‌له‌رزه‌که‌و برینداره‌کانى ئه‌و کاره‌ساته‌ سروشتیه‌ که‌به‌سه‌ر خه‌ڵکى کوردستاندا هات به‌تایبه‌تى له‌هه‌ڵه‌بجه‌و سیروان و ده‌ربه‌ندیخان و که‌لارو باوه‌نورو خانه‌قین و ناحیه‌ى به‌مۆو هه‌موو دێهاته‌کانى ئه‌و ناوچه‌یه‌ ،هه‌روه‌ها پارێزگاى کرماشان وقه‌سرى شرین وشهراباد  وسه‌رپێڵى زه‌هاو و جوانڕۆ وهه‌موو ئه‌و شوێنانه‌ى به‌ر بومه‌له‌رزه‌که‌ که‌وتوون هاوخه‌مى سه‌ره‌خۆشى له‌که‌سوکارى قوربانبان ده‌که‌ین و هیوادارین جێگایان به‌هه‌شت بێت ،برینداره‌کان به‌زوترین کات چاک ببنه‌وه‌ ".

هه‌روه‌ها ووتیشى :" سوپاسى هه‌موو ئه‌و لایه‌ن و شوێن و که‌سایه‌تیانه‌ ده‌که‌ین که‌به‌هانایانه‌وه‌ چون و هاوکاریان کردوون ،له‌راستیتدا کاره‌ساتێکى ناخۆش بوو ،ئه‌مه‌ش له‌کاتێکدایه‌ که‌خه‌مه‌کانى خه‌ڵکى کوردستان سارێژ نه‌بوون به‌تایبه‌تى که‌له‌م ماوه‌یه‌دا یه‌ک له‌دواى یه‌ک روبه‌روى خه‌م ده‌بنه‌وه‌ ".

به‌رێز محه‌مه‌دى حاجى مه‌حمود ووتى :"هیوادارین لایه‌نه‌ په‌یوه‌ندیداره‌کان و حکومه‌تى هه‌رێمى کوردستان به‌زوترین کات به‌ده‌نگ ئه‌و ناوچانه‌وه‌ بچن و هاوکارى لێقه‌وماوان بکرێت و هاوڵاتیان له‌و دۆخه‌ رزگار بکه‌ن که‌به‌هۆى بومه‌له‌رزه‌که‌وه‌ به‌سه‌ریان هاتووه‌ ".


لۆگۆ
سەرپێچی

وتار

زۆرترین خوێندراو