قائیمقامیه‌تى سلێمانى : خواردنى بسته‌ى ره‌نگکراو زیانى بۆ ته‌ندروستى هه‌یه‌

1/9/2018 3:19:00 PM
وێنەکان
قائیمقامیه‌تى سلێمانى : خواردنى بسته‌ى ره‌نگکراو زیانى بۆ ته‌ندروستى هه‌یه‌
جەماوەر نیوز
جه‌ماوه‌رنیوز







به‌هۆى به‌کارهێنانى ره‌نگ و بڕێکى زۆر لیمۆندۆزى له‌ ئاماده‌کردنیدا، لیژنه‌ هاوبه‌شه‌کان ده‌ست به‌سه‌ر بڕێکى زۆر بسته‌ى ره‌نگکراودا ده‌گرن و سه‌رۆکى لیژنه‌ هاوبه‌شه‌کانیش ئاگادارى هاوڵاتیان له‌به‌کارنه‌هێنانى ده‌کاته‌وه‌ و له‌هه‌رشوێنێکیش بفرۆشرێت ده‌ستى به‌سه‌ردا ده‌گرن.

گۆران قادر، سه‌رۆکى لیژنه‌ هاوبه‌شه‌کانى قائیمقامیه‌تى سلێمانى ووتی: لیژنه‌ هاوبه‌شه‌کان ده‌ستیان به‌سه‌ر بڕێکى زۆر بسته‌ى ره‌نگکراوودا گرتووه‌ که‌ به‌پێى ڕێنماییه‌ ته‌ندروستیه‌کان خواردنى ئه‌وجۆره‌ گونجاو نییه‌ و زیانى بۆسه‌ر ته‌ندروستى هاوڵاتیان به‌گشتى و به‌تایبه‌ت منداڵ هه‌یه‌.

 گۆران قادر ووتیشی: پێکهاته‌ى ئه‌و ره‌نگه‌ خۆراکیه‌ بۆ خوارده‌مه‌نیه‌ سارده‌کان دروستکراوه‌ به‌ڵام  برژارندنى له‌گه‌ڵ بسته‌که‌دا به‌ها خۆراکیه‌که‌ى له‌ده‌ست ده‌دات و ده‌بێته‌ مادده‌یه‌کى زیان به‌خش که‌ جێگه‌ى مه‌ترسیه‌ بۆسه‌ر ته‌ندروستى مرۆڤ.

ووتیشی: به‌شێوه‌یه‌کى گشتى به‌کارهێنانى لیمۆندزى که‌ پێکهاته‌یه‌کى کیمیاییه‌ و له‌ زۆربه‌ى وڵاتانى دنیا قه‌ده‌غه‌یه‌ کراوه‌، مه‌ترسى بۆسه‌ر مرۆڤ دروست ده‌کات و به‌کارهێنانیشى به‌ بڕێکى زۆر له‌گه‌ڵ ئه‌وره‌نگه‌ى بۆ بسته‌که‌ به‌کارده‌هێنرێت زیانه‌که‌ى چه‌ند به‌رامبه‌ر ده‌کات.

سه‌رۆکى لیژنه‌ هاوبه‌شه‌کان ئاگادارى فڕن و دوکانداره‌کان ده‌کاته‌وه‌ له‌ ئاماده‌نه‌کردن و نه‌فرۆشتنى بسته‌ به‌وشێوه‌، هه‌روه‌ها داوا له‌ هاوڵاتیان ده‌کات خۆیان و مناڵه‌کانیان به‌دوور بگرن له‌ خواردنى ئه‌وجۆره‌ بسته‌ى به‌وشێوه‌ ئاماده‌ ده‌کرێت، و له‌ کاتى هه‌بوونى له‌ دوکانه‌کاندا لیژنه‌ هاوبه‌شه‌کانى قائیمقامیه‌ت ئاگاداربکه‌نه‌وه‌.

گۆران قادر ئاماژه‌ى به‌وه‌ش کرد، به‌فه‌رمانى قائیمقامى سلێمانى ئه‌و بسته‌ى ده‌ستى به‌سه‌ردا گیراوه‌ له‌ ناوچه‌ى تانجه‌رۆ و له‌لایه‌ن لیژنه‌ى له‌ناوبردنى سه‌ربه‌لیژنه‌ هاوبه‌شه‌کانه‌وه‌، له‌ناوده‌برێت.


لۆگۆ
سەرپێچی

وتار

زۆرترین خوێندراو