نێچیرڤان بارزانى به‌مه‌به‌ستى به‌شداریکردن له‌ کۆڕبه‌ندى ئابووریى جیهان گه‌یشته‌ داڤۆس

1/23/2018 9:14:00 PM
وێنەکان
نێچیرڤان بارزانى به‌مه‌به‌ستى به‌شداریکردن له‌ کۆڕبه‌ندى ئابووریى جیهان گه‌یشته‌ داڤۆس
جەماوەر نیوز
جه‌ماوه‌رنیوز







نێچیرڤان بارزانى سه‌رۆک وه‌زیرانى هه‌رێمى کوردستان بۆ به‌شداریکردن له‌ کۆڕبه‌ندى ئابووریى جیهان، به‌ سه‌رۆکایه‌تیى شاندێک گه‌یشته‌ داڤۆس له‌ سویسرا که‌ له‌ قوباد تاڵه‌بانى جێگرى سه‌رۆک وه‌زیران و ژماره‌یه‌ک له‌ به‌رپرسانى دیکه‌ى هه‌رێمى کوردستان پێکهاتووه‌.

ئێواره‌ى ئه‌مڕۆ سێ شه‌مه‌ 23 ى کانوونى دووه‌مى 2018 ، نێچیرڤان بارزانى، له‌گه‌ڵ سه‌رۆک و سه‌رۆک وه‌زیران و پاشا و سه‌رکرده‌کانى جیهان و میوانانى باڵاى کۆڕبه‌ندى ئابووریى جیهان له‌ داڤۆس، به‌شدارى له‌ ڕێوڕه‌سمى پێشوازى و خوانێکى ئێواره‌ ده‌کات که‌ له‌لایه‌ن کڵاوس شواب دامه‌زرێنه‌رى کۆڕبه‌ندى ئابووریى جیهان و خاتوو هیلدێ شوابى هاوسه‌رییه‌وه‌ ڕێکخراوه‌.

سبه‌ى چوارشه‌ممه‌ و ڕۆژانى دواتر شاندى حکومه‌تى هه‌رێم له‌چالاکییه‌کانى کۆڕبه‌نده‌که‌دا به‌شدارى ده‌که‌ن و له‌ په‌راوێزى کۆڕبه‌نده‌که‌دا له‌گه‌ڵ ژماره‌یه‌ک له‌ سه‌رکرده‌کانى جیهان دیدار و کۆبوونه‌وه‌ ئه‌نجام ده‌ده‌ن.
 



لۆگۆ
سەرپێچی

وتار

زۆرترین خوێندراو