به‌رنامه‌ى لیستى حزبى سۆسیالیست دیموکراتى کوردستان بۆ هه‌ڵبژاردنى ئه‌نجومه‌نى نوێنه‌رانى عێراق

4/15/2018 4:50:00 PM
وێنەکان
به‌رنامه‌ى لیستى حزبى سۆسیالیست دیموکراتى کوردستان بۆ هه‌ڵبژاردنى ئه‌نجومه‌نى نوێنه‌رانى عێراق
جەماوەر نیوز
جه‌ماوه‌رنیوز








به‌رنامه‌ى لیستى حزبى سۆسیالیست دیموکراتى کوردستان بۆ هه‌ڵبژاردنه‌کانى ئه‌نجومه‌نى نوێنه‌رانى عێراق ڕۆژى ‎١٢-٥- ۲٠۱۸

حزبى سۆسیالیست دیموکراتى کوردستان له‌ماوه‌ى (٤۲) ساڵه‌ى خه‌باتى خۆیدا به‌رده‌وام هه‌وڵى داوه‌ بۆ به‌ده‌ستهێنانى مافه‌ ڕه‌واکانى گه‌له‌که‌مان ،له‌م پێناوه‌شدا چه‌ندین قوربانى داوه‌ .

ڕۆڵى گرنگى هه‌بووه‌ له‌ ئازادکردن و پاراستنى خاکى کوردستان ، هه‌وه‌ها ئه‌و هه‌نگاوانه‌ى که‌ نراوه‌ بۆ ئاوادانکردنه‌وه‌ و بونیات نانه‌وه‌ى هه‌رێمى کوردستان .

له‌ ئێستاشدا حزبى سۆسیالیست دیموکراتى کوردستان وه‌ک قه‌واره‌یه‌کى سه‌ربه‌خۆ به‌ لیستى ژماره‌ (۱۷٠) به‌شدارى له‌ هه‌ڵبژاردنه‌کانى ئه‌نجوومه‌نى نوێنه‌رانى عێراق ده‌کات و داوا له‌ هاوڵاتیانى کوردستان و که‌سوکارى شه‌هیدان و پێشمه‌رگه‌ قاره‌مانه‌کانى کوردستان و ڕێکخراوه‌کانى کۆمه‌ڵگه‌ى مه‌ده‌نى و کوردانى تاراوگه‌ و ته‌واوى چین وتوێژه‌کان ده‌کات ، ده‌نگ بده‌ن به‌ لیستى ژماره‌ (۱۷٠) بۆ خزمه‌تى زیاتر و گه‌یشتن به‌ مافه‌کانى گه‌له‌که‌مان .

لیستى ژماره‌ (۱۷٠) ‌ کارده‌کات بۆ

بوارى سیاسى :

١ ـ داکۆکیکردن له‌ مافه‌ ده‌ستورییه‌کانى هه‌رێمى کوردستان .
٢ ـ کارکردن بۆ دیاریکردن و چه‌سپاندنى سنوورى جوگرافى هه‌رێمى کوردستان به‌ناوچه‌کوردستانییه‌کانى ده‌ره‌وه‌ى ئیداره‌ى هه‌رێمى کوردستانیشه‌وه‌ .
٣ ـ داکۆکیکردن له‌ ئه‌نجامى ڕیفراندۆمى گه‌لى کوردستان بۆ سه‌ربه‌خۆیى کوردستان .
٤ ـ داکۆکیکردن له‌ ته‌واوى مافه‌کانى هێزى پێشمه‌رگه‌ وه‌ک پارێزه‌رى خاکى کوردستان

بوارى ئابوورى :

١ ـ کارکردن بۆ سه‌ربه‌خۆیى ئابوورى کوردستان بۆ دابینکردنى شایسته‌ داراییه‌کانى هه‌رێمى کوردستان .
٢ ـ داکۆکیکردن له‌ پشکى ( ١٧٪ ) هه‌رێمى کوردستان له‌ بوودجه‌ى گشتى عێراق .
٣ ـ چاودێریکرنى سه‌رجه‌م داهاته‌کان و کۆکردنه‌وه‌ و دابه‌شکردنیان به‌ شێوه‌یه‌کى دادپه‌روه‌رانه‌ .

بوارى ته‌ندرووستى  :

١ ـ ڕێگریکردن له‌ هاورده‌کردنى داوده‌رمانى خراپ و به‌سه‌رچوویى ته‌ندرووستى .
٢ ـ زیادکردنى ڕیژه‌ى سه‌وزایى و پاراستنى ژینگه‌ له‌ پێناو ژیانێکى ته‌ندرووست .

بوارى په‌روه‌رده‌ :

١ ـ پشتگیرى مامۆستایان و گرینگیدانى زیاتربه‌ ژیان و توانایان له‌ پێناو گه‌شه‌سه‌ندنى په‌روه‌رده‌ و خوێندن . .
٢ ـ پشتیوانیکردنى خوێندکاران بۆ وه‌رگرتنیان له‌ زانکۆکانى ده‌ره‌وه‌ى ووڵات .
۳ ـ ڕه‌خساندنى هه‌لى کار بۆ ئه‌و خوێندکارانه‌ى بِروانامه‌ به‌ده‌ستده‌هێنن .

بوارى کشتوکاڵ :

١ ـ گرینگیدان به‌ به‌نداوه‌کان له‌ پێناو گه‌شه‌سه‌ندنى کشتوکاڵ .
٢ ـ کارئاسانى بۆ ده‌ستخستنى پێداویستى کشتوکاڵ و په‌یداکرنى بازاێ‌ و ساخکردنه‌وه‌ى به‌روبوومى جوتیاران .
٣ ـ سوود وه‌رگرتنى زیاتر له‌ زه‌وییه‌ کشتوکاڵییه‌کان به‌ شێوازێکى زانستیانه‌ .
٤ ـ گرنگیدان به‌و کارگانه‌ى تایبه‌تن و بوژانه‌وه‌ى بوارى کشتوکاڵ .

بوارى مافى مرۆڤ :

١ ـ پاراستنى مافه‌کانى مرۆڤ و فه‌راهه‌مکردنى ئازادى .
٣ ـ به‌رقه‌رارکردنى ئاشتى و ڕه‌تکردنه‌وه‌ى شه‌ڕ
٣ ـ باشترکردنى ژیان و گوزه‌رانى زیندانیان .

بواره‌کانى ئافره‌تان و منداڵان و لاوان :

١ ـ کارکردن بۆ یه‌کسانى مافه‌کانى ئافره‌تان 
٢ ـ چه‌سپاندنى مافه‌کانى منداڵ و بنبڕکردنى هه‌موو شێوازێکى توندووتیژى ده‌رهه‌ق به‌ منداڵان .
٣ ـ بایه‌خدان به‌ لاوان و سوودوه‌رگرتن له‌ به‌هره‌ و تواناکانیان


لۆگۆ
سەرپێچی

وتار

زۆرترین خوێندراو