حزبى سۆسیالیست داواى هه‌ژمارکردنى ده‌ستى بۆ ده‌نگه‌کان ده‌کات

5/12/2018 7:07:00 PM
وێنەکان
حزبى سۆسیالیست داواى هه‌ژمارکردنى ده‌ستى بۆ ده‌نگه‌کان ده‌کات
جەماوەر نیوز
جه‌ماوه‌رنیوز








مه‌کته‌بى ئامارو هه‌ڵبژاردنه‌کانى حزبى سۆسیالیست دیموکراتى کوردستان له‌راگه‌یه‌نراوێکدا داوا له‌کۆمسیۆنى باڵاى هه‌ڵبژاردنه‌کانى عێراق و لایه‌نه‌ به‌رپرسه‌کان ده‌کات که‌ هه‌ژمارکردنى ده‌ستى بۆ ده‌نگه‌کان دووباره‌ بکرێته‌وه‌ ، ئه‌مه‌ده‌قى راگه‌یه‌نراوه‌که‌یه‌ 

ڕاگه‌یاندراوى مه‌کته‌بى ئامارو هه‌ڵبژاردنه‌کانى حزبى سۆسیالیست دیموکراتى کوردستان سه‌باره‌ت به‌ڕاگه‌یاندنى ئه‌نجامى به‌رایى هه‌ڵبژاردنه‌کانى ڕۆژی12-5-2018 ئه‌نجومه‌نى نوێنه‌رانى عێراق .

ئاشکرایه‌ کاتژمێر 7ى به‌یانى ئه‌مڕۆ سه‌رجه‌م ناوه‌نده‌کانى ده‌نگدان بۆ خولى چوارمى ئه‌نجومه‌نى نوێنه‌رانى عێراق له‌ سه‌رجه‌م پارێزگاکان کرایه‌وه‌ هاوڵاتیان به‌ڕێژه‌ى به‌رچاو به‌شداریان کردووه‌ .به‌ڵام دواى هه‌ژمارکردنى ئه‌نجامى ده‌نگه‌ به‌راییه‌کان له‌ ڕێگاى سیسته‌مى ئه‌لکترۆنى نیگه‌رانى زۆربه‌ى لایه‌نه‌کانى به‌شداربووى هه‌ڵبژاردنه‌که‌ى لێکه‌وته‌وه‌ .

بۆیه‌ ئێمه‌ له‌ حزبى سۆسیالیست دیموکراتى کوردستان وه‌ک هێزێکى به‌شداربوو داوا له‌ کۆمیسۆنى باڵاى هه‌ڵبژاردنه‌کانى عێراق و لایه‌نه‌ به‌پرسه‌کان ده‌که‌ین که‌ هه‌ژمارکردنى ده‌ستى بۆ ده‌نگه‌کان دووباره‌ بکرێته‌وه‌ و ئه‌مه‌ش به‌ کارێکى یاسایى ده‌زانین و خزمه‌تکردنه‌ به‌ سه‌رکه‌وتنى پرۆسه‌که‌ .


مه‌کته‌بى ئامارو هه‌ڵبژاردنه‌کانى 
حزبى سۆسیالیست دیموکراتى کوردستان 
12-5-2018


لۆگۆ
سەرپێچی

وتار

زۆرترین خوێندراو