به‌رێز محه‌مه‌دى حاجى مه‌حمود پێشوازى له‌سکرتێرى هه‌ریه‌ک له‌حزبى بزووتنه‌وه‌ى ڕزگارى و بزووتنه‌وه‌ى ئاشتى خوازان و حزبى پێشکه‌وتوخوازى ده‌کات

6/7/2018 10:45:00 PM
وێنەکان
به‌رێز محه‌مه‌دى حاجى مه‌حمود پێشوازى له‌سکرتێرى هه‌ریه‌ک له‌حزبى بزووتنه‌وه‌ى ڕزگارى و بزووتنه‌وه‌ى ئاشتى خوازان و حزبى پێشکه‌وتوخوازى ده‌کات
جەماوەر نیوز
جه‌ماوه‌رنیوز






به‌ڕێز محه‌مه‌د حاجى مه‌حمود له‌ باره‌گاى مه‌کته‌بى سیاسى له‌گوندى گوڵه‌خانه‌ى ده‌ڤه‌رى شاره‌زوور به‌ئاماده‌بونى  لێپرسراوى ده‌سته‌ى کارگێڕى مه‌کته‌بى سیاسى و ژماره‌یه‌ک له‌ئه‌ندامانى ده‌سته‌ى کارگێڕى و مه‌کته‌بى سیاسى و ئه‌نجومه‌نى سه‌رکردایه‌تى پێشوازیکرد له‌ هه‌رسێ سکرتێرى حزبى بزووتنه‌وه‌ى ڕزگارى دیموکراتى کوردستان و بزووتنه‌وه‌ى ئاشتى خوازانى کوردستان و حزبى پێشکه‌وتوخوازى دیموکراتى کوردستان .

له‌ دیدارێکدا به‌ڕێز محه‌مه‌دى حاجى مه‌حمود تیشکى خسته‌ سه‌ر بارودۆخى ئێستاى هه‌رێمى کوردستان و ناوچه‌که‌ و عێراق ون ئه‌و گۆرانکاریه‌ سیاسیه‌ى چاوه‌روان ده‌کرێت له‌عێراقدا روبدات به‌تایبه‌تى دواى پرۆسه‌ى هه‌ڵبژاردنى ئه‌نجومه‌نى نوێنه‌رانى عێراق .

هه‌روه‌ها  باس  له‌ هه‌ڵبژاردنه‌کانى عێراق کرا که‌له‌ 12-5 به‌ڕێوه‌چوو  که‌ناره‌زایى زۆرى لێکه‌وته‌وه‌ که‌تا هه‌نوکه‌ش نه‌گه‌یشتۆته‌ کۆتاو له‌لایه‌ن په‌رله‌مانى عێراقه‌وه‌ چه‌ند بڕیارێک ده‌رکراوه‌ بۆ دوباره‌ هه‌ژمارکردنه‌وه‌ى ده‌نگه‌کان له‌رێگاى ده‌ستى و گۆرینى ئه‌ندامانى کۆمسیۆن بۆ ده‌سته‌یه‌کى دادوه‌رى بۆ پاچونه‌وه‌ به‌ئه‌نجامه‌کانى هه‌ڵبژاردن .

هه‌رله‌دیداره‌که‌داباس له‌ پرۆسه‌ى هه‌ڵبژاردنى په‌رله‌مانى کوردستان کرا که‌ بڕیاره‌ له‌ماوه‌یه‌کى نزیکدا ئه‌نجامبدرێ بۆئه‌ومه‌به‌سته‌ش ئه‌و کۆڕنکاریانه‌ى که‌ دواى هه‌ڵبژاردنه‌کانى کوردستان روده‌ده‌ن گفتوگۆیان له‌باره‌وه‌ کرا .

هه‌روه‌ها جه‌خت کرایه‌وه‌ له‌سه‌ر خزمه‌تکردنى زیاترى بنه‌ماڵه‌ى شه‌هیدان و که‌سوکارى قوربانبان و پێشمه‌رگه‌ قاره‌مانه‌کان له‌لایه‌ن حکومه‌ت و حزبه‌کان و خستنه‌ پێشى به‌رژه‌وه‌ندى گشتى و خزموتکردنى هاوڵاتیان و دوور که‌وتنه‌وه‌ له‌خزمه‌تى حزبى و که‌سى وه‌ ڕێز گرتن له‌ئیراده‌ى پۆڵاینى هێزى پێشمه‌رگه‌ و وه‌ پۆلیس که‌ ئه‌وان بوونه‌ته‌ قه‌ڵغان و پاراستنى ئاسایشى و ئارامى هه‌رێمى کوردستانیان .

هه‌رله‌دیداره‌که‌دا به‌پێویستزانرا سه‌رجه‌م حزب و لاییه‌نه‌ سیاسیه‌ کوردستانیه‌کان له‌ په‌ڕله‌مانى عێراق به‌یه‌ک ده‌نگ و یه‌ک ڕه‌نگ داکۆکى له‌مافه‌ ڕه‌واکانى کورد بکه‌ن هه‌وڵه‌کانیان چڕبکه‌نه‌وه‌ بۆ به‌دیهێنانى سه‌رجه‌م مافه‌کانى کورد له‌چوارچێوه‌ى عێراقى فیدراڵدا .

 


لۆگۆ
سەرپێچی

وتار

زۆرترین خوێندراو