نێچیرڤان بارزانى و سیلیمان پرۆسه‌ى سیاسیی عێراق تاوتوێ ده‌که‌ن

6/10/2018 9:31:00 PM
وێنەکان
نێچیرڤان بارزانى و سیلیمان پرۆسه‌ى سیاسیی عێراق تاوتوێ ده‌که‌ن
جەماوەر نیوز
جه‌ماوه‌رنیوز 







ئێواره‌ى  ڕۆژى  شه‌ممه‌ 9ى حوزه‌یرانى 2018 ، نێچیرڤان بارزانى سه‌رۆک وه‌زیرانى هه‌رێمى کوردستان، پێشوازى له‌ دۆگلاس سیلیمان باڵیۆزى ئه‌مه‌ریکا له‌ عێراق و کین گرۆس کونسوڵى ئه‌مه‌ریکا له‌ هه‌ولێر و شاندێکى یاوه‌ریان کرد.

له‌ دیدارێکدا شاندى میوان تیشکیان خسته‌ سه‌ر‌ دوا پێشهاته‌کان و پرۆسه‌ى هه‌ڵبژاردن و ئه‌و بڕیارانه‌ى له‌ په‌رله‌مانى عێراق سه‌باره‌ت به‌ ئه‌نجامى هه‌ڵبژاردن ده‌رچوه‌. له‌مباره‌یه‌وه‌ هه‌ردوولا جه‌ختیان له‌ یه‌کده‌نگیى هه‌موو لایه‌نه‌کان بۆ سه‌رخستنى پرۆسه‌ى سیاسى له‌ عێراق کرده‌وه‌ و هیویایان خواست ئه‌و کێشانه‌ى هاتوونه‌ته‌ ئاراوه‌، چاره‌سه‌ر بکرێن و نه‌بنه‌ ڕێگرى به‌رده‌م پێکهێنانى حکوومه‌تى نوێى عێراق.

هه‌ر له‌مباره‌یه‌وه‌ سه‌رۆک وه‌زیرانى هه‌رێمى کوردستان دووپاتى کرده‌وه‌ که‌ حکومه‌تى هه‌رێمى کوردستان و لایه‌نه‌ سیاسییه‌کان له‌ هه‌وڵى ئه‌وه‌دان به‌ یه‌کگرتوویى به‌شدارییه‌کى جددى له‌ حکوومه‌تى داهاتووى عێراقدا بکه‌ن به‌ ‌شێوه‌یه‌ک سه‌قامگیریى سیاسى و ئابوورى بۆ عێراق فه‌راهه‌م بکات.

ئاڵوگۆڕکردنى بیروبۆچوون له‌سه‌ر چه‌ند بابه‌تێکى په‌یوه‌ست به‌ ڕه‌وشى ناوچه‌که‌وه‌، لایه‌نێکى دیکه‌ى دیداره‌که‌ بوو.



لۆگۆ
سەرپێچی

وتار

زۆرترین خوێندراو