له‌سه‌یدسادق دوو کافتریا داخران و 50 کیلۆ گۆشت له‌ناوبرا

6/10/2018 9:33:00 PM
وێنەکان
له‌سه‌یدسادق دوو کافتریا داخران و 50 کیلۆ گۆشت له‌ناوبرا
جەماوەر نیوز
جه‌ماوه‌رنیوز







له‌ پێناو پاراستنى ته‌ندروستى و سه‌لامه‌تى گیانى هاوڵاتیان، لیژنه‌ هاوبه‌شه‌کانى قائیمقامیه‌تى سه‌یدسادق له‌ گه‌ڕان و پشکنینه‌کانى به‌رده‌وامه‌ و به‌و هۆیه‌شه‌وه‌ دوو کافتریا و هۆڵى بلیاردى داخستووه‌‌ و ده‌ستیشى به‌سه‌ر زیاتر له‌ 50 کیلۆگرام گۆشتى سوردا گرتووه‌ که‌ له‌ رووى ته‌ندروستییه‌وه‌ بۆ خواردن نه‌شیاو بووه‌.

به‌پێى رونکردنه‌وه‌ى قائیمقامیه‌تى سه‌یدسادق داخستنى ئه‌و دوو کافتریایه‌ به‌هۆى پابه‌ند نه‌بونیان بووه‌ به‌ مه‌رج و رێنماییه‌کانه‌وه‌ که‌ چه‌ندین جار ئاگادارکرابوونه‌وه‌.

ئه‌و بڕه‌ گۆشته‌ش که‌ ده‌ستى به‌سه‌رداگیراوه‌ به‌کارهێنان و فرۆشتنه‌که‌ى به‌پێچه‌وانه‌ى رینماییه‌ ته‌ندروستییه‌کان بووه‌، ئاماژه‌ به‌وه‌ش کراوه‌ به‌ هیچ جۆرێک رێگه‌ نادرێت به‌بێ‌ پشکنینى ڤێتێرنه‌رى و له‌سه‌ر شه‌قام و کۆڵانه‌کان ئاژه‌ڵ سه‌رببردرێت و گۆشته‌که‌ى بفرۆشرێت. ته‌واوى ئه‌و بڕه‌ گۆشته‌ش له‌لایه‌ن لیژنه‌ى تایبه‌ته‌وه‌ سوتێنراوه‌ و له‌ناو براوه‌.


لۆگۆ
سەرپێچی

وتار

زۆرترین خوێندراو