ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
راگه‌یاندراوى مه‌کته‌بى سیاسى حزبى سۆسیالیست له یادى 42 ساڵه‌ى دامه‌زراندنیدا
8/5/2018 4:13:00 PM
جەماوەر نیوز
جه‌ماوه‌رنیوز
راگه‌یاندراوى مه‌کته‌بى سیاسى حزبى سۆسیالیست دیموکراتى کوردستان له یادى 42 ساڵه‌ى دامه‌زراندنیدا.
جــــه‌مـــاوه‌رى تـێـکــۆشــه‌رى کوردســـتان.
کــه‌سـوکـارى ســـه‌ربـــه‌رزى شـــه‌هــیــدان.
پیشــمه‌رگه قــاره‌مانه‌کـــان.
هه‌ڤاڵانى حزبى سۆسیالیست دیموکراتى کوردستان.
42 ساڵ تێده‌په‌ڕێت به‌سه‌ر دامه‌زراندنى حزبه تێکۆشه‌ره‌که‌تان. ئه‌و حزبه‌ى له رۆژانى ره‌شى نائومێدى و سه‌خترین قۆناغى مامه‌ڵه‌ى نێوده‌وڵه‌تى بۆ خه‌فه‌کردنى ده‌نگى کورد و به پیلان قڕکردنى گه‌له‌که‌مان ، وه‌ک وه‌رچه‌رخانێکى گرنگ له مێژووى بزاڤى رزگاریخوازى کوردستان له ڕۆژى 8-8-1976 دامه‌زراو به گژ ئه‌سته‌مدا چویه‌وه. له سه‌نگه‌ره خامۆشه‌کانى به‌رگرى و کونجى زیندانه تاریکه‌کانى دوژمن و باخ و مه‌زرا سووتاوه‌کانى گونده‌کان و کۆڵانه به سوپاو زرێپۆش ته‌نراوه چۆڵ و سه‌ر کزه‌کانى شاره‌کانى کوردستان جارێکى تر بانگى نه‌به‌زین و دروشمى مانه‌وه‌و به‌رخودانى به‌گوێى دۆست و دوژمن، یار و نه‌یارى گه‌له‌که‌مان گه‌یاند.
هه‌ڤاڵانى حزبى سۆسیالیست دیموکراتى کوردستان ئه‌و رۆژانه‌ى که له مێژووى گه‌لانى دنیاو بزووتنه‌وه رزگاریخوازه‌کاندا له دژوارى و بێده‌ره‌تانیدا که‌م وێنه‌ن، سه‌رکرده‌و پێشمه‌رگه‌و هه‌ڤاڵه‌کانى ئێوه، بێ گوێدانه ژیان و مه‌رگ خۆیان و خێزان و که‌سوکاریان به‌گژ دڕنده‌ترین رژێمدا چوونه‌وه. بۆیه ئێوه سه‌ر به‌رزن که خاوه‌نى ئه‌و مێژووه پرشنگداره‌ن و شایانى ئه‌وه‌ن شانازى به خۆتانه‌وه بکه‌ن. شانازى بکه‌ن که حزبه‌که‌تان ٤۲ ساڵه بێ نوچدان، بێ لادان، بێ ترس و بێ باک له مردن، به‌و رێ و رێبازى گیانبازییه‌دا کاروان له‌دواى کاروان به‌ڕێده‌کات. شانازى بکه‌ن که تا ئه‌مڕۆش تێکۆشه‌رانى ئێوه به گیانى خۆیان وه‌ک پشکۆى ناو خۆڵه‌مێشى سته‌م و نائومێدیى ده‌گه‌شێنه‌وه‌و جه‌سته‌ى خاک و خه‌ڵکى بریندارى ئه‌م گه‌له تیمار و ئاسۆى ئاینده‌ى رووناک ده‌که‌نه‌وه. جــــه‌مـــاوه‌رى کوردســـتان حزبى سۆسیالیست دیموکراتى کوردستان وه‌ک پێویستییه‌کى مێژوویى له‌دواى په‌یماننامه‌ى شومى جه‌زائیر هاته مه‌یدانى چۆڵى خه‌بات و له‌دواى 42 ساڵ وا به سه‌ر به‌رزییه‌وه لاپه‌ڕه‌کانى مێژووى هه‌ڵده‌داته‌وه‌و له هه‌ر وێستگه‌یه‌کیدا هه‌زاران شه‌هید و نه‌به‌ردى و داستانى مقاوه‌مه‌ى جه‌سوورانه یاد ده‌کاته‌وه.
ئه‌م ساڵیش به هه‌مان گوڕو تین، به هه‌مان گیان و گه‌رمیى هه‌وه‌ڵ، به‌ڵێنى نه‌سره‌وتن تا به‌دیهێنانى ئامانجى سه‌دان ساڵه‌مان دووپات ده‌که‌ینه‌وه‌و گه‌له‌که‌شمان شاهێده که ئێمه به‌رامبه‌ر ئه‌و به‌ڵێنه چه‌ند راستگۆ و چ نرخێکى گه‌وره‌مان بۆ داوه. به‌ڵێن به جه‌ماوه‌رى کوردستان ده‌ده‌ین وه‌ک هه‌میشه خه‌باتکارى سه‌رسه‌ختى به‌دیهێنانى سه‌روه‌رى و ئارامى و خۆشگوزه‌رانى بین تا ئه‌م گه‌له ئازار چه‌شتوو برسیکراوه به ژیانێکى شایسته ده‌گات. به‌ڵێن به کرکوک و گه‌رمه‌سێر، که وه‌ک چۆن به خوێن له تیرۆر پاراستمان، جارێکى تر ئاڵاى شه‌کاوه‌ى کوردستان بگه‌یه‌نینه‌وه حه‌مرین و دوایین سنوورى کوردستان. به‌ڵێن به شه‌نگال و شێخان و ئێزدى و کاکه‌ییه‌کان، که وه‌ک چۆن بۆ به‌رگرى له بوون و باوه‌ڕیان سه‌دان رۆڵه‌ى قاره‌مانمان پێشکه‌ش کردن، هه‌رواش بۆ پاراستنى که‌رامه‌ت و ناسنامه‌یان له‌ڕیزى پێشه‌وه‌ى خه‌باتدا بین.
هه‌ڤاڵانى تێکۆشه‌ر ئه‌م ساڵ له‌کاتێکدا یادى شکۆمه‌ندى دامه‌زراندنى حزبى سۆسیالیست دیموکراتى کوردستان ده‌که‌ینه‌وه، که چوار ساڵ تێپه‌ێ ده‌بێت به‌سه‌ر هێرش و په‌لامارى تیرۆریستانى داعش بۆ سه‌ر کوردستان و قه‌تڵ و عامى خوشک و برا ئێزدییه‌کان و تاوانه دڕندانه‌کانیان و له‌به‌رامبه‌ریشدا به‌رگرى قاره‌مانانه‌ى گه‌له‌که‌مان و هێزى پێشمه‌رگه که به گیانبازییه‌کى بێ وێنه توانى رووبه‌ڕووى تیرۆریستان بێته‌وه‌و له‌برى جیهان شه‌ڕى تیرۆر و به‌رگرى له بوون و که‌رامه‌ت و به‌هاکانى مرۆڤایه‌تى بکات. له‌وه‌شدا پێشمه‌رگه‌و شه‌هیدانى حزبى سۆسیالیست دیموکراتى کوردستان سه‌رقافڵه‌ى به‌خشش و به‌رگرى بوون.
هه‌روه‌ها ئه‌م یاده هاوکاته له‌گه‌ڵ نزیکبوونه‌وه‌ى واده‌ى هه‌ڵبژاردنه‌کانى په‌رله‌مانى کوردستان وه‌ک ده‌زگایه‌کى شه‌رعى و سه‌رچاوه‌ى یاسادانان که به‌رهه‌مى خه‌باتێکى دوورو درێژ و ره‌مزى خۆڕێبه‌ریى هه‌رێمى کوردستانه و پێویسته ئه‌و پرۆسه‌یه به سه‌رکه‌وتوویى به‌ڕێوه بچێت. به‌تایبه‌ت که کوردستان و عێراق و ناوچه‌که به قۆناغێکى ئاڵۆزدا ده‌ڕوات، دووڕیانێک که به‌سه‌ر گۆڕانکارى گه‌وره‌و پێشهاتى گرنگدا ده‌ڕوانێت. بۆ ئه‌وه‌ى گه‌له‌که‌مان به‌ره‌و راسته‌ڕێى به‌دیهێنانى مافه ره‌واکانى بڕوات، پێویستى به هێزى له‌خۆبردووى پاکى پۆست و پله نه‌ویست و ناو ماڵى رێکخراوو گوتارى نیشتمانیى بێخه‌وش و هه‌نگاوى بوێرانه هه‌یه. بۆیه ئێمه هه‌میشه پێشمه‌رگه‌ى ئه‌و رێیه‌ین و دۆست و هاوسه‌نگه‌رى هه‌ر که‌سێکین که به‌و گیان و ئامانجه خه‌بات بکات.
بانگى هه‌موو تێکۆشه‌رانى بزووتنه‌وه‌ى کوردایه‌تیش ده‌که‌ین که کاتى ئه‌وه‌یه چاکى مه‌ردانى لێ بکه‌ین به‌لاداو به هۆشیارى و دڵسۆزیه‌وه خه‌ونى مێژووییمان که زۆرمان له‌پێناودا کردووه‌و هه‌نگاوى گه‌وره‌مان بۆ بڕیوه، به‌ره‌و سه‌رکه‌وتن ببه‌ین . پیرۆزبێت 8ى ئاب ساڵڕۆژى دامه‌زراندنى حزبى سۆسیالیست دیموکراتى کوردستان سه‌رکه‌وێت په‌یامى دیموکراسى و دادپه‌روه‌رى و مافى چاره‌نووس .
سڵاو بۆ سه‌رجه‌م شه‌هیدانى رێگاى ڕزگاریى کورد و کوردستان.
مه‌کته‌بى سیاسى
حزبى سۆسیالیست دیموکراتى کوردستان
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023