یاسایه‌کى نوێى عێراق، فه‌ڵه‌ستینیه‌کان نیگه‌ران ده‌کات

1/11/2018 8:43:00 PM
وێنەکان
یاسایه‌کى نوێى عێراق، فه‌ڵه‌ستینیه‌کان نیگه‌ران ده‌کات
جەماوەر نیوز
جه‌ماوه‌رنیوز







یاسایه‌کى نوێى عێراق که‌ له‌ کۆتاییه‌کانى ساڵى ٢٠١٧ ده‌رچوو ،فه‌ڵه‌ستییه‌کانى نیگه‌ران کردووه‌، چونکه‌ به‌پێى ئه‌و یاسایه‌ به‌ پێچه‌وانه‌ى ڕابردووه‌وه‌ فه‌ڵه‌ستینیه‌کان وه‌ک که‌سانى بیانى مامه‌ڵه‌یان له‌گه‌ڵدا ده‌کرێت.

ئه‌و یاسایه‌ى که‌ له‌ کۆتاییه‌کانى ساڵى ڕابردوو له‌لایه‌ن عێراقه‌وه‌ په‌سه‌ند کرا، بۆ هه‌ڵوه‌شاندنه‌وه‌ى یاسایه‌که‌ که‌ له‌ ساڵى ٢٠٠١ دا سه‌دام حسێن دیکتاتۆرى پێشترى عێراق ده‌ریکردبوو و تیایدا فه‌ڵه‌ستینیه‌کان به‌ هاووڵاتى عێراقى هه‌ژمار ده‌کران به‌ هه‌موو ماف و ئیمتیازاته‌کانه‌وه‌.

له‌مباره‌یه‌وه‌ محه‌مه‌د مشێشن شاره‌زا له‌ کاروبارى په‌نابه‌ره‌ فه‌ڵه‌ستینیه‌کان به‌ ئه‌لمۆنیتۆرى ڕاگه‌یاندووه‌ که‌ له‌مه‌ودوا ژیانى ئه‌و فه‌ڵه‌ستینیانه‌ى له‌ عێراق ده‌ژین زۆر سه‌خت ده‌بێت و پزیشک و ئه‌ندازیاره‌کانیش ناتوانن ببن به‌ ئه‌ندامى سه‌ندیکاکانى عێراق و پرۆژه‌ى کار و بازرگانى خۆیان به‌ ئازادى به‌ڕێوه‌ ببه‌ن.

له‌ ساڵى ١٩٤٨ه‌وه‌ تا ٢٠٠٣ نزیکه‌ى ١٤٣ هه‌زار هاووڵاتى فه‌ڵه‌ستینى له‌ عێراق ژیاون و له‌ ‌دواى ٢٠٠٣ه‌وه‌ ژماره‌که‌ که‌م بووه‌ته‌وه‌ و ئه‌و مافانه‌یان نه‌ماوه‌ که‌ له‌ ‌سه‌رده‌مى سه‌دام حسێن دا هه‌یانبوو که‌ زیاتر به‌ بڕیارى سیاسى بوون نه‌ک یاسایی.


لۆگۆ
سەرپێچی

وتار

زۆرترین خوێندراو