عه‌بادی: له‌گه‌ڵ هه‌ولێر رێکه‌وتووین له‌سه‌ر هه‌نارده‌کردنى نه‌وتى که‌رکووک بۆ تورکیا

2/27/2018 9:22:00 PM
وێنەکان
عه‌بادی: له‌گه‌ڵ هه‌ولێر رێکه‌وتووین له‌سه‌ر هه‌نارده‌کردنى نه‌وتى که‌رکووک بۆ تورکیا
جەماوەر نیوز
جه‌ماوه‌رنیوز








حه‌یده‌ر عه‌بادى سه‌رۆک وه‌زیرانى عێراق رایگه‌یاند ئێمه‌ گفتوگۆمان لگه‌ڵ تورکیا و سه‌رۆکى حکومه‌تى هه‌رێمى کوردستان کردووه‌ بۆ هه‌نارده‌ کردنى نه‌وتى که‌رکوک له‌رێگاى هێڵه‌نه‌وتیه‌کانى هه‌رێمى کوردستان بۆ فیشخابور و له‌وێشه‌وه‌بۆ تورکیا ، بۆ ئه‌و مه‌به‌سته‌ش  له‌گه‌ڵ هه‌رێمى کوردستان رێککه‌وتووین له‌سه‌ر هه‌نارده‌کردنى نه‌وتى که‌رکووک.

 وتیشی: " چونکه‌ ئێمه‌ له‌م کاته‌دا پێویستیمان به‌ پاره‌یه‌، ئه‌گه‌ر بێت و نه‌وتى که‌رکووک هه‌نارده‌ نه‌کرێت ئه‌وا داهاتمان نابێت".
 

ده‌قى وه‌ڵامه‌که‌ى عه‌بادی  سه‌باره‌ت به‌ناردنى نه‌وتى که‌رکوک بۆ تورکیا له‌رێگاى بۆریه‌نه‌وتیه‌کانى هه‌رێمى کوردستان .

حه‌یده‌ر عه‌بادی ووتى : به‌ڵى به‌ دڵنیاییه‌وه‌، هێڵى عێراقى ئه‌وه‌ى له‌ که‌رکووکه‌وه‌ بۆ فه‌تحه‌ ده‌چێت و دواتر بۆ نه‌ینه‌واو له‌وێش بۆ پێشابوور و له‌وێشه‌وه‌ ده‌په‌ڕێته‌وه‌ تورکیا، وه‌کو ئاگادارن له‌لایه‌ن داعشه‌وه‌ وێرانکراوه‌، وێستگه‌کان و بۆڕییه‌کانى به‌شێوه‌یه‌کى سه‌ره‌کى وێرانکردووه‌، ئێمه‌ ئێستا پێشنیازى ئه‌وه‌مانکردووه‌ سه‌رله‌نوێ ئه‌و بۆڕییه‌ نۆژه‌نبکرێته‌وه‌، هێڵى دیکه‌ى بۆڕى نه‌وت هه‌یه‌ که‌ به‌نێو خاکى هه‌رێمى کوردستاندا تێپه‌ێ‌ ده‌بێت، که‌ له‌ که‌رکووکه‌وه‌ ده‌چێته‌ پێشابوور و له‌وێشه‌وه‌ ده‌چێته‌ تورکیا، ئێستا دانوستاندنه‌کان له‌سه‌ر ئه‌وه‌ن ئه‌و هێڵه‌ به‌کار بهێنین بۆ هه‌نارده‌کردنى نه‌وتى که‌رکووک بۆ تورکیا، بۆ ئه‌وه‌ش ده‌بێت قسه‌ له‌گه‌ڵ تورکیا  بکه‌ین. به‌ راشکاویش ده‌یڵێم بۆ ئه‌وه‌ قسه‌مان له‌گه‌ڵ هه‌رێم کردووه‌، کاتێک به‌ڕێز نێچیرڤان بارزانى هاته‌ به‌غدا له‌وباره‌یه‌وه‌ قسه‌مانکردووه‌، رێککه‌وتووین له‌سه‌ر ئه‌وه‌ى ده‌ست به‌ هه‌نارده‌کردنى نه‌وته‌که‌ بکه‌ین، دواتر چاره‌سه‌رى ناکۆکییه‌کان بکه‌ین، چونکه‌ ئێمه‌ له‌وکاته‌دا پێویستیمان به‌ پاره‌یه‌، ئه‌گه‌ر بێت و نه‌وتى که‌رکووک هه‌نارده‌ نه‌کرێت ئه‌وا داهاتمان نابێت.


ڤیدیۆ ... وتارى حه‌یده‌ر عه‌بادى سه‌رۆک وه‌زیرانى عێراق


لۆگۆ
سەرپێچی

وتار

زۆرترین خوێندراو