4
7 عه‌بادی: سوتاندنى ده‌نگه‌کان پیلانگێڕییه‌ دژى عێراق
10/6/2018
Increase text size Decrease text size

جه‌ماوه‌رنیوز








حه‌یده‌ر عه‌بادى سه‌رۆک وه‌زیرانى عێراق رایگه‌یاند: سووتاندنى کۆگاى ده‌نگه‌کان "پیلانگێڕییه‌ دژى عێراق" و فه‌رمان به‌ هێزه‌ ئه‌منییه‌کانیش ده‌کات له‌ سه‌رجه‌م پارێزگاکان رێوشوێنى تووند بۆ پاراستنى سندووقه‌کانى ده‌نگدان بگرنه‌به‌ر.

حه‌یده‌ر عه‌بادی، فه‌رمانده‌ى گشتیى هێزه‌ چه‌کداره‌کان له‌ فه‌رمانێکدا بۆ فه‌رمانده‌ى هێزه‌ ئه‌منییه‌کان له‌ سه‌رجه‌م پارێزگاکان، فه‌رمانیکردووه‌ به‌ گرتنه‌به‌رى رێوشوێنى ئه‌منى تووند و زیاتر بۆ پاراستنى سندووقه‌کانى ده‌نگدان.

به‌پێى راگه‌یێندراوێکى نووسینگه‌ى سه‌رۆک وه‌زیرانى عێراق، عه‌بادى داوا له‌ به‌ڕێوه‌به‌رایه‌تى به‌ڵگه‌ى تاوان و به‌رگرى شارستانى ده‌کات "شوێنى رووداوه‌که‌ بپشکنن و لێکۆڵینه‌وه‌ بکه‌ن، دواى وردبینیکردنى کۆتایى راپۆرتێکى ورد له‌باره‌ى رووداوه‌که‌ و زیانه‌کان ئاماده‌بکه‌ن". که‌ مه‌به‌ست لێى سووتانى کۆگاى سندووقى ده‌نگه‌کانه‌ له‌ ناوچه‌ى ره‌سافه‌ى به‌غدا.

عه‌بادى جه‌خت له‌سه‌ر ئه‌وه‌ده‌کاته‌وه‌ که‌ "هه‌موو رێوشوێنێک ده‌گرینه‌به‌ر و به‌ ده‌ستێکى پۆڵاین له‌ هه‌موو ئه‌وانه‌ ده‌ده‌ین که‌ بیانه‌وێت ئاسایشى وڵات و هاووڵاتییان تێکبده‌ن".

ئه‌مڕۆ یه‌ک شه‌ممه‌ 10 ى حوزه‌یرانى 2018 له‌ ناوچه‌ى ره‌سافه‌ى له‌ به‌غدا ئاگر له‌ یه‌کێک له‌ کۆگاکانى هه‌ڵگرتنى سندووقه‌کانى ده‌نگدان که‌وته‌وه‌. وه‌زاره‌تى ناوخۆى عێراق ده‌ڵێت، له‌ کۆى چوار کۆگاى سندووقه‌کانى ده‌نگدان ته‌نیا یه‌ک کۆگایان ئاگرى گرتووه‌.


ناو
کۆمێنت



hizb
5
ئایا کێشه‌کانى هه‌رێم به‌هه‌ڵبژاردن چاره‌سه‌ر ده‌بێت ؟


نێچیرڤان بارزانى : حکومه‌ت له‌هه‌وڵى به‌رده‌وامدایه‌ ژێرخانێکى ئه‌لکترۆنیى دابمه‌زرێنێت
حوکمڕانى له‌ ژێر چه‌ترى ساخته‌کاریدا
رۆڵ و گرنگى گه‌نج له‌ هه‌ڵبژاردندا
گرتنه‌وه‌ى ئاوى دیجله‌له‌لایه‌ن تورکیاو که‌مبونه‌وه‌ى ئاوى عێراق
حه‌شدى شه‌عبى ده‌ستى به‌ ته‌عریب کردنى که‌رکوک کردووه‌
حکومه‌تى هه‌رێم وه‌ڵامى چه‌ند راپۆرتێکى ناوخۆیى و نێوده‌وڵه‌تى ده‌داته‌وه‌
Created by AVESTA Group