4
7 په‌نابه‌رێکى عێراقى داواکراو ڕه‌تیده‌کاته‌وه‌ کارى قاچاخچێتى به‌ کۆچبه‌رانه‌وه‌ کردبێت
24/8/2017
Increase text size Decrease text size

جه‌ماوه‌رنیوز







دادگاى باڵاى نیوزله‌ندا بڕیاردا که‌ ڕێگه‌ به‌ په‌نابه‌رێکى به‌ڕه‌گه‌ز عێراقى له‌و ووڵاته‌ بدات بۆ ئه‌وه‌ى بۆ دواهه‌مین جار تێهه‌ڵچونه‌وه‌ له‌سه‌ر ئه‌و که‌یسه‌ى بکات که‌ له‌ لایه‌ن حکومه‌تى ئوسترالیاوه‌ تۆمه‌تبارکراوه‌ به‌ تێوه‌گلان له‌ به‌ قاچاخبردنى کۆچبه‌ران بۆ ئوسترالیا له‌ساڵى 2001 دا. 
حکومه‌تى ئوسترالیا ئه‌و هاوڵاتیه‌ به‌ڕه‌گه‌ز عێراقیه‌ که‌ له‌ ئێستادا له‌ نیوله‌ندا په‌نابه‌ره‌ ، تۆمه‌تبارده‌کات به‌وه‌ى که‌ ده‌ستى هه‌بووه‌ له‌ ڕوودانى یه‌کێک له‌ گه‌وره‌ترین کاره‌ساته‌کانى نوقمبونى به‌له‌می کۆچبه‌ران له‌ ساڵى 2001دا که‌ تێیدا نزیکه‌ى 350 که‌س گیانیان له‌ده‌ستدا له‌پێش گه‌شتنیان به‌ ئوسترالیا و به‌شێکى ئه‌و کۆچبه‌رانه‌ش به‌ڕه‌گه‌ز کورد بوون. 

هه‌رچه‌نده‌ هێشتا واده‌ى دانیشتنه‌که‌ى دادگا دیارى نه‌کراوه‌ به‌ڵام له‌ ئه‌گه‌رى ڕه‌تکردنه‌وه‌ى که‌یسى ئه‌و په‌نابه‌ره‌ عێراقیه‌ که‌ به‌رده‌وام ڕه‌تیده‌کاته‌وه‌ ده‌ستى له‌ به‌ قاچاخبردنى ئه‌و به‌له‌مه‌دا هه‌بوبێت ، پێده‌چێت نیوزله‌ندا ئه‌و په‌نابه‌ره‌ ڕاده‌ستى ئوسترالیا بکات به‌مه‌به‌ستى دادگایکردنى له‌باره‌ى پرسى به‌ قاچاخبردنى کۆچبه‌ران بۆ ئوسترالیا له‌ساڵانى ڕابردودا.

پرسى ڕاده‌ستکردنه‌وه‌ى ئه‌و په‌نابه‌ره‌ عێراقیه‌ له‌کاتێکدایه‌  له‌ ئێستادا حکومه‌تى ئوسترالیا به‌هۆى سیاسه‌ته‌ تونده‌کانیه‌وه‌ له‌باره‌ى کۆچبه‌رانى ده‌ریایى قاچاخه‌وه‌ توانیوێتى به‌ڕاده‌یه‌کى به‌رچاو کۆتایى به‌ کارى قاچاخچیه‌کان بهێنێت به‌وه‌ى هه‌ر که‌سێک بیه‌وێت به‌ قاچاخ و به‌به‌له‌م ڕوو له‌ ئوسترالیا بکات ، ده‌ستگیرده‌کرێت و ڕه‌وانه‌ى ئه‌و ووڵاته‌ ده‌کرێته‌وه‌ که‌ به‌به‌له‌مه‌که‌ لێوه‌ى هاتووه‌. 


ناو
کۆمێنت



hizb
5
ئایا کورد ده‌توانێ سود له‌بارودۆخى دواى داعش وه‌ربگرێ ؟


ئه‌مریکا قه‌ت له‌ عێراق تێنه‌گه‌یشت
که‌رکوک و ناوچه‌کانى ده‌وروبه‌رى دێنه‌وه‌ سه‌رهه‌رێمى کوردستان
بۆچى گرنگه‌ هه‌ڵبژاردنى په‌رله‌مانى کوردستان له‌کاتى خۆیدا ئه‌نجام بدرێت
هه‌رێمى کوردستان سیسته‌مى په‌روه‌رده‌ى له‌ پێشینه‌ى کاره‌کانى داناوه‌
هه‌نگاوه‌ نوێیه‌کانى ڕووسیا له‌ ڕۆژهه‌ڵاتى ناوه‌ڕاست
ئاواره‌کانى جه‌رف ئه‌لسه‌خر گه‌ڕانه‌وه‌یان لێ قه‌ده‌غه‌ ده‌کرێ‌
Created by AVESTA Group