ئه‌ردۆغان ئاشکراى کرد وڵاته‌که‌ى گرێبه‌ستێـکى له‌گه‌ڵ ڕووسیا بۆ کڕینى سیسته‌مى S-400 واژۆ کردووه‌

9/12/2017 5:51:00 PM
وێنەکان
ئه‌ردۆغان ئاشکراى کرد وڵاته‌که‌ى گرێبه‌ستێـکى له‌گه‌ڵ ڕووسیا بۆ کڕینى سیسته‌مى S-400 واژۆ کردووه‌
جەماوەر نیوز
جه‌ماوه‌رنیوز








ڕاگه‌یاندنه‌کانى ناوى تورکیا ئاشکرایان کرد که‌ ئه‌ردۆغان ئاماژه‌ى به‌وه‌کردووه‌ که‌گرێبه‌ستێـکیان له‌گه‌ڵ ڕووسیا واژۆ کردووه‌ بۆ کڕینى سیسته‌مى پـێشکه‌وتووى جۆرى S-400 بۆ موشه‌کى به‌رگری.

ڕه‌جه‌ب ته‌یب ئه‌ردۆغان ڕۆژى سێ شه‌ممه‌ له‌و کاته‌ى به‌ فڕۆکه‌که‌ى له‌ کازاخستانه‌وه‌ به‌ره‌و تورکیا ده‌گه‌ڕایه‌وه‌ بۆ ژماره‌یه‌ک ڕۆژنامه‌وانى تورک باسى له‌وکردووه‌ که‌ بۆ کڕینى سیسته‌مى پـێشکه‌وتووى جۆرى S-400 بۆ موشه‌کى به‌رگری گرێبه‌ستێکیان له‌گه‌ڵ ڕووسیا واژۆ کردووه‌   ئه‌وه‌ى ئه‌و ئاگاداربێت پاره‌ى پـێشه‌کى کڕینى سیستمه‌که‌ دراوه‌.

له‌ مۆسکۆش، ڤلادیمیر کوژین ڕاوێژکارى ڤلادیمیر پـوتن بۆ هاوکارى ته‌کنینکى له‌شکرى مۆرکردنى گرێبه‌سته‌که‌ى پشـتڕاستکرده‌وه‌ و گوتى له‌ ئێستادا کار بۆ جێبه‌جێکردنى ده‌کرێت.

شایانى باسه‌ ئه‌مه‌ گه‌وره‌ترین گرێبه‌ستى له‌شکرى تورکیایه‌ که‌ له‌ ده‌ره‌وه‌ى وڵاتانى ئه‌ندامى ناتۆ ئه‌نجامى بدات ، بۆیه‌ پـێشبینى ده‌کرێت ببێته‌ جێى نیگه‌رانى ئه‌و وڵاتانه‌.

پـێشتر وه‌زاره‌تى به‌رگرى ئه‌مه‌ریکا تورکیاى ئاگادارکردبووه‌وه‌ له‌وه‌ى باشتره‌ ئه‌و ئامێر و که‌لوپه‌له‌ له‌شکریـیانه‌ بکڕێت که‌ ڕووى ته‌کنیکى له‌گه‌ڵ سیسته‌مه‌کانى ناتۆ ده‌گونجێن، به‌ڵام ئه‌ردۆغان گوتى تورکیا دووه‌م گه‌وره‌ترین له‌شکرى ناتۆیه‌ له‌ پاش ئه‌مه‌ریکا، بۆیه‌ ئازاده‌ له‌وه‌ى چى به‌ پـێویستى ده‌زانێت بۆخۆى ده‌یکڕێت.


سه‌رچاوه‌ : ده‌نگى ئه‌مه‌ریکا 


لۆگۆ
سەرپێچی

وتار

زۆرترین خوێندراو