ژماره‌ى قوربانیانى بومه‌له‌رزه‌که‌ى ئێران له‌به‌رزبونه‌وه‌دایه‌

11/14/2017 4:00:00 PM
وێنەکان
ژماره‌ى قوربانیانى بومه‌له‌رزه‌که‌ى ئێران له‌به‌رزبونه‌وه‌دایه‌
جەماوەر نیوز
 جه‌ماوه‌رنیوز








کاربه‌ده‌ستانى ئێران ئاماژه‌ بۆ به‌رز بونه‌وه‌ى رێژه‌ى قوربانبانى بومه‌له‌رزه‌به‌هێزه‌که‌ى شه‌وى یه‌کشه‌ممه‌ ده‌که‌ن که‌شارى قه‌سرى شیرن و کرمانشانى گرته‌وه‌ .
 
ئه‌مڕۆ سێشه‌ممه‌ 14 ى تشرینى یه‌که‌مى 2017 به‌ڕێوه‌به‌رى په‌یوه‌ندیه‌ گشتیه‌کان له‌نوسینگه‌ى پزیشکى دادوه‌رى کرماشان ڕایگه‌یاند:  تائێستا 530 که‌س به‌هۆى بومه‌له‌رزه‌که‌وه‌ گیانیان له‌ده‌ستداوه‌و 7460 که‌سى تریش برینداربوون .
 
هه‌ر ئه‌مڕۆ حه‌سه‌ن ڕوحانى سه‌رۆکى ئێران سه‌ردانى کرماشانى کرد و له‌وێ به‌ڵێنى دا حکومه‌ت به‌ هه‌موو تواناکانیه‌وه‌ به‌ هاناى لێقه‌وماوه‌کانه‌وه‌ بچێت. داواشى له‌ کاربه‌ده‌ستانى حکومه‌ت و فه‌رمانده‌ له‌شکرییه‌کان و ده‌زگا خێرخوازه‌کان و ڕێکخراوه‌ ناحکومیه‌کان کرد یارمه‌تى ده‌زگاى نیشته‌جێکردن بده‌ن و هیچ که‌سێک سه‌ربه‌خۆیانه‌ هیچ کارێک نه‌کات. ئه‌و ده‌زگایه‌ش ده‌زگایه‌کى نیمچه‌ حکومییه‌ و کاتى خۆى له‌ لایه‌ن ئایه‌توڵڵا خومه‌ینى دامه‌زرێنه‌رى کۆمارى ئیسلامى ئێرانه‌وه‌ دامه‌زراوه‌.

پیرحوسه‌ین کولیوه‌ند به‌رپـرسى ده‌زگاى به‌هاناچوونى پـزیشکى ئێران دوێنێ دووشه‌ممه‌ بۆ که‌ناڵى ته‌له‌فیزیۆنى وڵاته‌که‌ى ڕاگه‌یاند کاره‌کانى به‌هاناچوون له‌ شارى کرماشان به‌ کۆتایى هاتن.

به‌پـێى کاربه‌ده‌ستانى خۆجێى هه‌تا دوێنێ دووشه‌ممه‌ خه‌ڵکێکى زۆرى لێقه‌وماو یارمه‌تیان پـێنه‌گه‌یشتبوو و جگه‌ له‌وه‌ به‌ده‌ست سه‌رمایه‌کى زۆر ده‌ناڵێنن، ئه‌مه‌ش له‌ کاتێکدا زۆربه‌یان ماڵه‌کانیان وێرانبوون و له‌ ده‌ره‌وه‌ شه‌و به‌سه‌ر ده‌به‌ن.

فه‌رامه‌ره‌ز ئه‌کبه‌رى فه‌رمانڕه‌واى ئوستانى قه‌سرى شیرین ئه‌ویش وتویه‌تى هێشتا له‌ هه‌ندێک گوند خه‌ڵکى پـێویستیان به‌ خۆراک و ئاو و شوێنه‌.


لۆگۆ
سەرپێچی

وتار

زۆرترین خوێندراو