4
7 حکومه‌تى تونس: خۆپیشاندانه‌کان ئاژاوه‌گێڕى بوون
9/1/2018
Increase text size Decrease text size

 جه‌ماوه‌رنیوز








حکومه‌تى تونس رایگه‌یاند  ئه‌و خۆپـیشاندان و ناڕه‌زایـیانه‌ى شه‌وى دووشه‌ممه‌ ئاژاوه‌گێڕى بوون و تیایاندا دزى کراوه‌ و هیچ په‌یوه‌ندیـیان به‌ گرانى و بێکاریه‌وه‌ نه‌بووه‌. 
یوسف ئه‌لشاهد سه‌رۆک وه‌زیرى تونس ئه‌مڕۆ سێ شه‌ممه‌ 9ى کانوونى دووه‌مى 2018، له‌ لێدوانێکدا رایگه‌یاند به‌پێى یاسا خۆپیشاندان مافى هه‌موو هاوڵاتیه‌که‌، به‌ڵام سازکردنى ناڕه‌زایى شه‌وانه‌ له‌ وڵاته‌ دیموکراسیـیه‌کاندا بوونیان نییه‌. ووتیشى له‌و ناڕه‌زایـه‌تیانه‌دا خراپه‌کارى کراون و حکومه‌ت یاسا به‌سه‌ر ئه‌نجامده‌رانى و ئه‌وانه‌شى هانیان بۆ داوه‌ جێبه‌جێ ده‌کات.

ئاماژه‌شى بۆ ئه‌وه‌کرد که‌ وڵاته‌که‌یان به‌ دۆخێکى ئابورى خراپدا تێپه‌ڕده‌بێت، بۆیه‌ ده‌بێت خه‌ڵکى له‌وه‌ تێبگه‌ن. ئاماژه‌ى بۆ ئه‌وه‌ش کرد 2018 دوایـین ساڵى قورس ده‌بێت بۆ تونسییه‌کان.

کاربه‌ده‌ستان ده‌ڵێن که‌سێک به‌ گازى فرمێسک ڕێژ گیانى له‌ده‌ستداوه‌، به‌ڵام خۆپیشانده‌ران و چالاکوانان ئه‌وره‌تده‌که‌نه‌وه‌و و ئاماژه‌ بۆ ئه‌وه‌ده‌که‌ن که‌ئۆتۆمبیلێکى هێزه‌کانى ئاسایش کردوویه‌تى به‌ ژێره‌وه‌.

کاربه‌ده‌سـتێکى ئاسایش ده‌لێن 11 ئه‌ندامى هێزه‌کانى ئاسایش به‌ به‌رد و بۆمبى مۆلۆتۆفى خۆپیشانده‌ران برینداربوون و 4 ئۆتۆمبیلى پـۆلیس زیانیان پـێگه‌یشتووه‌. هه‌روه‌ها ده‌یان که‌س ده‌ستگیرکراون.

له‌ لایه‌کى دیکه‌وه‌ حه‌مه‌ ئه‌لهه‌مامى سه‌رۆکى به‌ره‌ى میلـلى (پارتى سه‌ره‌کى ئۆپۆزسیۆن) ئه‌مڕۆ له‌ کۆنگره‌یه‌کى ڕۆژنامه‌وانى به‌ڵێنى دا درێژه‌ به‌ ناڕه‌زایه‌تیـیه‌کانیان بده‌ن و  ووتى ئه‌مڕۆ کۆبوونه‌وه‌یان له‌گه‌ڵ پارته‌کانى دیکه‌ى ئۆپۆزسیۆن ده‌بێت به‌ مه‌به‌ستى هه‌ماهه‌نگی. جه‌ختى له‌وه‌ش کرده‌وه‌ که‌ له‌سه‌ر شه‌قامه‌کان ده‌مێننه‌وه‌ و په‌ره‌ به‌ ناڕه‌زایه‌تیـیه‌کان ده‌ده‌ن هه‌تا ئه‌و کاته‌ى یاسا نوێـیه‌کانى دارایى هه‌ڵده‌وشێنرێنه‌وه‌.

شایانى باسه‌ تونس به‌قه‌یرانێکى ئابورى سه‌ختدا تێپه‌ڕده‌بێت و که‌وتووه‌ته‌ ژێر قه‌رزێکى زۆرى نێوده‌وڵه‌تییه‌وه‌، بۆیه‌ له‌ 1ى مانگى یه‌کى ئه‌مساڵه‌وه‌ حکومه‌تى تونس بڕیارى داوه‌ نرخى به‌نزین و هه‌ندێک کاڵا به‌رزبکاته‌وه‌ و له‌گه‌ڵیدا باج له‌سه‌ر ئۆتۆمبیل و په‌یوه‌ندییه‌کان ته‌له‌فون و ئنته‌رنێت زیادبکات.


ناو
کۆمێنت



hizb
5
ئایا کێشه‌کانى هه‌رێم به‌هه‌ڵبژاردن چاره‌سه‌ر ده‌بێت ؟


نێچیرڤان بارزانى : حکومه‌ت له‌هه‌وڵى به‌رده‌وامدایه‌ ژێرخانێکى ئه‌لکترۆنیى دابمه‌زرێنێت
حوکمڕانى له‌ ژێر چه‌ترى ساخته‌کاریدا
رۆڵ و گرنگى گه‌نج له‌ هه‌ڵبژاردندا
گرتنه‌وه‌ى ئاوى دیجله‌له‌لایه‌ن تورکیاو که‌مبونه‌وه‌ى ئاوى عێراق
حه‌شدى شه‌عبى ده‌ستى به‌ ته‌عریب کردنى که‌رکوک کردووه‌
حکومه‌تى هه‌رێم وه‌ڵامى چه‌ند راپۆرتێکى ناوخۆیى و نێوده‌وڵه‌تى ده‌داته‌وه‌
Created by AVESTA Group