ترامپ سه‌ردانه‌که‌ى بۆ به‌ریتانیا هه‌ڵده‌وه‌شێنێته‌وه‌

1/12/2018 7:19:00 PM
وێنەکان
ترامپ سه‌ردانه‌که‌ى بۆ به‌ریتانیا هه‌ڵده‌وه‌شێنێته‌وه‌
جەماوەر نیوز
جه‌ماوه‌رنیوز








دوناڵد ترامپ سه‌رۆکى ئه‌مه‌ریکا سه‌ردانه‌که‌ى خۆى بۆ به‌ریتانیا هه‌ڵوه‌شانده‌وه‌و له‌ پۆستێکى تویته‌ردا باسى له‌هۆکارى هه‌ڵوه‌شاندنه‌وه‌ى سه‌ردانه‌که‌ کردووه‌ ده‌لێت : له‌گه‌ڵ ئه‌و سه‌وداى فرۆشتنه‌دا نه‌بووه‌ که‌ به‌ڕێوبه‌رایه‌تییه‌که‌ى سه‌رۆک ئۆباما بۆ فرۆشتنى باڵه‌خانه‌ى باڵیۆزخانه‌ى ئه‌مه‌ریکا له‌ له‌نده‌ن کردوویه‌تى به‌ نرخى یه‌ک ملیار و دووسه‌د ملیۆن دۆلار وسه‌ودایه‌کى زۆر خراپه‌ و تاڵانفرۆش کراوه‌.

ماڵپه‌ڕى باڵیۆزخانه‌ى ئه‌مه‌ریکا له‌ له‌نده‌ن نوسیویه‌ ئه‌و سه‌وداى کڕین و فرۆشتنه‌ له‌ ساڵى 2008دا کراوه‌ به‌ر له‌وه‌ى باراک ئۆباما پۆستى ئۆفیس وه‌ربگرێت و بچێته‌ کۆشکى سپی.
ئۆباما له‌ مانگى یه‌کى ساڵى 2009 دا وه‌ک سه‌رۆکى وڵاته‌ یه‌کگرتووه‌کانى ئه‌مه‌ریکا ده‌ستبه‌کاربوو.

وه‌ها بڕیاربوو له‌ کۆتایى مانگى دوودا دۆناڵد ترامپ سه‌ردانى له‌نده‌ن بکات و وه‌هاش چاوه‌ڕوان ده‌کرا به‌شدارى بکات له‌ مه‌ڕاسیمى کردنه‌وه‌ى باڵیۆزخانه‌ى نوێدا و هه‌روه‌هاش کۆبوونه‌وه‌ له‌گه‌ڵ سه‌ره‌ک وه‌زیرى به‌ریتانیادا.

به‌ڵام میدیاى به‌ریتانى ده‌ڵێت به‌هۆى نه‌بوونى گه‌رموگوڕییه‌کى جیاواز بۆ ئه‌و سه‌ردانه‌ى و هه‌روه‌هاش ئه‌وه‌ى که‌ کۆبوونه‌وه‌ى له‌گه‌ڵ شاژنى به‌ریتانیادا نابێت ترامپ خۆشحاڵ نه‌بووه‌.


لۆگۆ
سەرپێچی

وتار

زۆرترین خوێندراو