پنتاگۆن: هێزه‌کانمان له‌ عێراق ده‌مێننه‌وه‌

2/6/2018 10:18:00 AM
وێنەکان
پنتاگۆن: هێزه‌کانمان له‌ عێراق ده‌مێننه‌وه‌
جەماوەر نیوز
جه‌ماوه‌رنیوز








سه‌رچاوه‌یه‌ک له‌ حکومه‌تى ئه‌مریکا ڕایگه‌یاند هێزه‌کانیان له‌ عێراق ده‌مێننه‌وه‌. 

 ئێریک باهۆن، وته‌بێژى وه‌زاره‌تى به‌رگریى ئه‌مریکا به‌ (الحوره‌)ى ڕاگه‌یاندووه‌ که‌ کشانه‌وه‌ى هێزه‌کانى ئه‌مریکا له‌ عێراق له‌ به‌رنامه‌ى ئه‌واندا نییه‌ و نیازیان نییه‌ لقه‌ داهاتوویه‌کى نزیکدا ته‌نانه‌ت یه‌ک سه‌ربازیش له‌ عێراق پاشه‌کشه‌ پێبکه‌ن.

سه‌رچاوه‌که‌ى پنتاگۆن ئه‌وه‌شى ئاشکرا کرد که‌ ئه‌و هێزه‌ى له‌ عێراق کێشراوه‌ته‌وه‌ به‌ڕێککه‌وتن بووه‌ له‌گه‌ڵ به‌غدا، چونکه‌ ئه‌و هێزه‌ ئه‌رکى مه‌شق و راهێنان بووه‌ و ئێستاش هێزه‌که‌ ده‌برێنه‌ ئه‌فغانستان.

لێدوانى وته‌بێژى وه‌زاره‌تى به‌رگریى ئه‌مریکا دواى بڵاو بوونه‌وه‌ى ده‌نگۆى پاشه‌کشه‌ى هێزه‌کانى ئه‌مریکا له‌ عێراق هات که‌ تیایدا (سه‌عد حه‌دیسی) وته‌بێژى حکومه‌تى عێراق بۆ ئاژانسى ئه‌سۆشه‌یتد پرێس ڕایگه‌یاندبوو به‌هۆى کۆتایى هاتنى شه‌ڕى داعش، ئه‌مریکا هێزه‌کانى خۆى له‌ ناو عێراق ده‌کێشێته‌وه‌.


لۆگۆ
سەرپێچی

وتار

زۆرترین خوێندراو