تورکیا ڕاگرتنى دراماى وڵاته‌که‌ى له‌ mbc ى به‌بریارى سیاسى داده‌نێ

3/7/2018 6:17:00 PM
وێنەکان
تورکیا ڕاگرتنى دراماى وڵاته‌که‌ى له‌ mbc ى به‌بریارى سیاسى داده‌نێ
جەماوەر نیوز
 جه‌ماوه‌رنیوز
 







وه‌زیرى ڕۆشنبیرى تورکیا مه‌خابنى خۆى ده‌ربڕى له‌ به‌رامبه‌ر ڕاگرتنى پـێشاندانى دراما تورکیـیه‌کان له‌ کۆمه‌ڵه‌ که‌ناڵه‌کانى mbc ى سعودیـیه‌، ده‌ڵێت ئه‌مه‌ بڕیارێکى سیاسیـیه‌.

ئه‌مڕۆ چوارشه‌ممه‌ 7 ى مارسى 2018  میدیاکانى تورکیا له‌ زارى نوعمان قورتولموش بڵاویانکردووه‌ته‌وه‌ که‌ وتویه‌تی" ناکرێت دوو سێ که‌سى سیاسى له‌سه‌ر مێزێک دابنیشن و بڕیار بده‌ن خه‌ڵکى چى ببینێت، ئه‌و سه‌رده‌مه‌ له‌ مێژه‌وه‌ به‌سه‌رچووه‌."

کۆمه‌ڵه‌ که‌ناڵه‌کانى mbc له‌ 1 ى مانگى مارسى ئه‌مساڵه‌وه‌ پـیشاندانى هه‌موو دراما تورکییه‌کانى ڕاگرت، ئه‌مه‌ش له‌ نێوه‌ندى تێکچوونى په‌یوه‌ندیـیه‌کانى نێوان تورکیا و ژماره‌یه‌ک له‌ وڵاتانى که‌نداو.

مازن حایک وته‌بێژى mbc به‌ ئاژانسى ده‌نگ‌وباسى فڕانس پـرێسى راگه‌یاندووه‌ هه‌وڵ ده‌ده‌ن له‌ برى ئه‌و دراما تورکیانه‌ دراماى عه‌ره‌بى ئاست به‌رز پـیشان بده‌ن که‌ ڕه‌نگدانه‌وه‌ى داب‌ونه‌ریتى خه‌ڵکى ناوچه‌که‌ى تیادابێت.


لۆگۆ
سەرپێچی

وتار

زۆرترین خوێندراو