خۆپیشاندان له‌ دژى هێرشى تورکیا بۆ سه‌ر عه‌فرین له‌چه‌ند وڵاتێکى ئه‌وروپا ئه‌نجامدرا

3/12/2018 7:03:00 PM
وێنەکان
خۆپیشاندان له‌ دژى هێرشى تورکیا بۆ سه‌ر عه‌فرین له‌چه‌ند وڵاتێکى ئه‌وروپا ئه‌نجامدرا
جەماوەر نیوز
جه‌ماوه‌رنیوز







خۆپـیشاندانى ناڕه‌زایى له‌ دژى له‌شکرکێشى تورکیا بۆ سه‌ر عه‌فرین له‌ چه‌ند وێستگه‌یه‌کى هاتوچۆى ژماره‌یه‌ک وڵاتى ئه‌وروپا به‌ڕێوه‌چوون، له‌وانه‌ له‌ ئه‌ڵمانیا و به‌ریتانیا.

ووته‌بێژێکى پـۆلیسى فیدراڵى ئه‌ڵمانیا رایگه‌یاند: یه‌ک له‌ خۆپـیشاندانه‌کان دوێنێ یه‌کشه‌ممه‌ له‌ فڕۆکه‌خانه‌ى دوسلدۆرفى ڕۆژئاواى وڵاته‌که‌ سازکرا که‌ نزیکه‌ى 150 که‌س ده‌بوون و پـۆلیس گازى فرمێسک ڕێژى له‌ دژیان به‌کارهێنا.

هاوکات له‌ وێستگه‌ى شه‌مه‌نده‌فه‌رى شاره‌که‌ش خۆپـیشاندانى ناڕه‌زایى بۆ هه‌مان مه‌به‌ست له‌لایه‌ن کورده‌کان و لایه‌نگرانیان به‌ڕێوه‌چووه‌.

هه‌روه‌ها له‌ شارى هامبۆرگیش زیاتر له‌ 400 خۆپـیشانده‌ر له‌ به‌رده‌م کونسوڵخانه‌ى ڕووسیا و پاشان کونسوڵخانه‌ى تورکیا گردبوونه‌وه‌.

له‌ شارى کیلى باکورى ئه‌ڵمانیاش به‌ سه‌دان کورد له‌ دوو وێستگه‌ى هاتوچۆى شاره‌که‌ گردبوونه‌وه‌.

له‌ له‌نده‌نى پایته‌ختى به‌ریتانیاش کورده‌کان و لایه‌نگرانیان هه‌ردوو وێستگه‌ى شه‌مه‌نده‌فه‌رى مانشسته‌ر پـیککادیللى و کینگز کروسیان ناچارکرد دابخرێن و پـۆلیس ڕێگه‌ى لێ گرتن بچنه‌ ناو وێستگه‌که‌وه‌.

هه‌روه‌ها به‌ ده‌یان خۆپـیشانده‌ر توانیان خۆیان بکه‌ن به‌ وێستگه‌ى شه‌مه‌نده‌فه‌رى مانشسته‌ر و ئه‌مه‌ش بووه‌ مایه‌ى ڕاگرتنى هاتوچۆى شه‌مه‌نه‌ده‌فه‌ره‌کان.

جێى ئاماژه‌یه‌ ئه‌م ناڕه‌زایـیانه‌ پاش ئه‌وه‌ دێن که‌ هیچ هه‌وڵێکى نێوده‌وڵه‌تى نیـیه‌ بۆ ڕاگرتنى ئه‌و له‌شکرکێشیـیه‌ى تورکیا که‌ له‌ 20 مانگى یه‌که‌وه‌ بۆ سه‌ر عه‌فرین ده‌سـتیپـێکردووه‌.





ده‌نگى ئه‌مه‌ریکا 


لۆگۆ
سەرپێچی

وتار

زۆرترین خوێندراو