ئوسترالیا بڕیار له‌سه‌ر وه‌رگرتنى په‌نابه‌رانى عێراق ده‌دات

4/9/2018 10:38:00 PM
وێنەکان
ئوسترالیا بڕیار له‌سه‌ر وه‌رگرتنى په‌نابه‌رانى عێراق ده‌دات
جەماوەر نیوز
جه‌ماوه‌رنیوز








ماڵپه‌رى هه‌واڵى گاردیان بڵاویکرده‌وه‌ حکومه‌تى ئوسترالیا بڕیاریداوه‌ که‌ پێشه‌نگى بدات به‌ وه‌رگرتنى په‌نابه‌رانى عێراق له‌ چوارچێوه‌ى پڕۆگرامێکى تایبه‌تى وه‌رگرتنى ساڵانه‌ى په‌نابه‌راندا. 

ماڵپه‌ره‌که‌ ده‌ڵێت حکومه‌تى ئوسترالیا پێشه‌نگى ده‌دات به‌ وه‌رگرتنى په‌نابه‌رانى هه‌شت ووڵات که‌ له‌ ناویاندا عێراق بوونى هه‌یه‌ ئه‌وانیش ووڵاتانى وه‌ک کۆنگۆى دیموکراتى ، ئه‌فغانستان ، ئه‌ریتریا ، ئه‌سوبیا ، میانمار ، بهوتان و سوریایه‌.

گاردیان ، زانیوێتى ئه‌گه‌رى وه‌رگرتنى په‌نابه‌رانى چه‌ند ووڵاتێکى تریش له‌ چوارچێوه‌ى ئه‌و پڕۆگرامه‌دا له‌لایه‌ن ئوسترالیاوه‌ زۆر که‌مه‌ که‌ ئه‌وانیش ووڵاتانى ئێران و سۆماڵ و باشورى سۆدانن.

پڕۆگرامه‌که‌ به‌ پڕۆگرامى پشتگیرى کۆمه‌ڵگا ناسراوه‌ و له‌ڕێگه‌ى سپۆنسه‌رکردنه‌وه‌ ئه‌نجامده‌درێت و به‌وه‌ش ئه‌و په‌نابه‌رانه‌ ناگرێته‌وه‌ که‌ بیانه‌وێت به‌ قاچاخ ڕوو له‌ ئوسترالیا بکه‌ن.

به‌گوێره‌ى زانیارییه‌کانى ئه‌و ماڵپه‌ره‌ ، پێشه‌نگى ده‌درێت به‌و په‌نابه‌رانه‌ى عێراق که‌ ژن و منداڵ و خێزانن له‌ لوبنان و ئه‌رده‌ن و تورکیا ده‌ژین.


لۆگۆ
سەرپێچی

وتار

زۆرترین خوێندراو