وه‌زاره‌تى به‌رگرى ئه‌مه‌ریکا: ئۆپه‌راسیۆنه‌ له‌شکرییه‌که‌ى له‌سوریا کۆتایى هات

4/14/2018 6:29:00 PM
وێنەکان
وه‌زاره‌تى به‌رگرى ئه‌مه‌ریکا: ئۆپه‌راسیۆنه‌ له‌شکرییه‌که‌ى له‌سوریا کۆتایى هات
جەماوەر نیوز
جه‌ماوه‌رنیوز








وه‌زاره‌تى به‌رگرى ئه‌مه‌ریکا ده‌ڵێت ئه‌و ئۆپه‌راسیۆنه‌ له‌شکرییه‌ى له‌دژى چه‌ند شوێنێکى گرنگى ڕژێمى سوریا به‌ڕێوه‌یبرد، کۆتایى پـێهات و هه‌موو ئه‌و شوێنانه‌ى ده‌سـتنیشانکرابوون وێرانکران.

وه‌زاره‌ته‌که‌ ده‌شڵێت هیچ هه‌ماهه‌نگیـیه‌ک له‌گه‌ڵ ڕووسیا نه‌کراوه‌ له‌ باره‌ى بۆردومانه‌کانه‌وه‌ و ته‌نیا له‌ ڕێڕه‌وى فڕۆکه‌ و موشه‌که‌کان ئاگادارکراونه‌ته‌وه‌ تاوه‌کو له‌ ئاسماندا له‌گه‌ڵ فڕۆکه‌کانى ڕووسیا پـێکدادان ڕوونه‌دات.


به‌پـێى وه‌زاره‌ته‌که‌ کارگه‌یه‌کى دروستکردنى گازى سارین له‌ حومس و ناوه‌ندێکى توێژینه‌وه‌ى چه‌کى کیمیایى له‌ دیمه‌شق کرابوونه‌ ئامانج.

ئاماژه‌ بۆ ئه‌وه‌ش ده‌کرێت ئه‌و بڕه‌ ته‌قه‌مه‌نیـیه‌ى له‌ ئۆپه‌راسیۆنه‌که‌ى ئه‌مڕۆ به‌کارهاتبوو دوو هێنده‌ى ئه‌و ته‌قه‌مه‌نیـیانه‌ بووه‌ که‌ له‌ ئۆپه‌راسیۆنه‌که‌ى ساڵى ڕابردوودا به‌کارهاتبوو.

نوێنه‌رى ڕووسیا له‌ نه‌ته‌وه‌ یه‌کگرتووه‌کان ناڕه‌زایى توندى وڵاته‌که‌ى له‌م باره‌یه‌وه‌ ده‌ربڕى و گوتى ئه‌مه‌ سووکایه‌تیـیه‌ به‌ سه‌رۆکى ڕووسیا و هه‌روا تێپه‌ڕنابێت.

میدیاکانى ڕژێمى سوریا ده‌ڵێن هێزى به‌رگرى ئاسمانى وڵاته‌که‌یان 13 موشه‌کى خستووه‌ته‌ خوارێ.





ده‌نگى ئه‌مه‌ریکا


لۆگۆ
سەرپێچی

وتار

زۆرترین خوێندراو