له‌ له‌نده‌ن خۆپیشاندانى ناڕه‌زایى دژى سه‌رۆکى تورکیا ئه‌نجامده‌درێ

5/15/2018 8:58:00 PM
وێنەکان
له‌ له‌نده‌ن خۆپیشاندانى ناڕه‌زایى دژى سه‌رۆکى تورکیا ئه‌نجامده‌درێ
جەماوەر نیوز
جه‌ماوه‌رنیوز








ئه‌مڕۆ سێشه‌ممه‌ 15ى مایسى 2018 ،به‌ ده‌یان خۆپیشانده‌رانى کورد و لایه‌نگرانى ئازادى ڕاده‌ربڕین له‌ به‌رده‌م باره‌گاى حکومه‌تى به‌ریتانیا گردبوونه‌وه‌ بۆ ده‌ربڕینى ناڕه‌زایى به‌رامبه‌ر ڕه‌جه‌ب ته‌یب ئه‌ردۆغان سه‌رۆکى تورکیا که‌ گه‌یشته‌ به‌ریتانیا  

خۆپـیشاندانه‌که‌ ڕێکخرا له‌ لایه‌ن کۆمه‌ڵێک له‌ داکۆکیکارانى ئازادی، له‌وانه‌ په‌یامنێرانى بێ سنوور و English PEN و Index On Censorship.

ڕێبێکا ڤینسێنت سه‌رۆکى ڕێکخراوى په‌یامنێرانى بێ سنوور له‌ به‌ریتانیا ووتى جێى شه‌رمه‌ لێره‌ له‌ به‌ریتانیا فه‌رشى سوور بۆ پـێشوازیکردن له‌ ئه‌ردۆغان ڕاده‌خرێت.

ئاماژه‌ى بۆ ئه‌وه‌ کرد که‌ له‌وه‌تاى ساڵى 2016 وه‌ سه‌رکوتکردنه‌کان له‌ تورکیا ده‌سـتیانپێکردووه‌، زیاتر له‌ 100 ڕۆژنامه‌وان ده‌ستگیرکراون و 140 ده‌زگاى ڕاگه‌یاندن داخراون و 800 مۆڵه‌تى کارى ڕۆژنامه‌وانى لێسه‌ندراونه‌ته‌وه‌.

پاشان وتی" ده‌بێت ئێمه‌ لێره‌ بۆ حکومه‌ته‌که‌مانى ڕوونبکه‌ینه‌وه‌ که‌ گرنگى به‌ ئازادیـیه‌ سه‌ره‌تایـیه‌کان ده‌ده‌ین، ئه‌و به‌هایانه‌ى وڵاته‌که‌مان له‌سه‌رى وه‌ستاوه‌.: دواتر داواى ئازادکردنى ڕۆژنامه‌وانه‌ ده‌سـتگیرکراوه‌کانى کرد.

چالاکوانانى کورد و لایه‌نگرانیان ئه‌وانیش لاى خۆیانه‌وه‌ ناڕه‌زایـیان ده‌ربڕى و پـۆسته‌ریان به‌رزکرده‌وه‌ که‌ تیایدا وشه‌ى تێرۆرست له‌سه‌ر وێنه‌ى ئه‌ردۆغان نووسرابوو. هه‌روه‌ها ئاڵاى یه‌په‌گه‌ و وێنه‌ى عه‌بدوڵڵا ئۆجه‌لان ڕێبه‌رى ده‌سـتگیرکراوى پارتى کرێکارانى کوردستانیان به‌رزکرده‌وه‌ و دروشمى دژى ئه‌ردۆغانیان ده‌ووته‌وه‌.

وته‌بێژى سه‌رۆکایه‌تى حکومه‌تى به‌ریتانیا به‌ ئاژانسى ده‌نگ‌وباسى فڕانس پـرێسى راگه‌یاند : له‌ به‌رنامه‌ى کارى کۆبوونه‌وه‌که‌ى نێوان خانم تێرێزا مه‌ى و ئه‌ردۆغان وتووێژى ڕاشکاوانه‌ له‌ باره‌ى مافه‌کانى مرۆڤ هه‌یه‌.

وتیشى هه‌میشه‌ خوازیارن تورکیا پابه‌ندى وابه‌سته‌یـیه‌ نێوده‌وڵه‌تیـیه‌کانى ببێت، له‌وانه‌ ڕێزگرتن له‌ ئازادى ڕاده‌ربڕین و ئازادیـیه‌ سیاسیـیه‌کان.




ده‌نگى ئه‌مه‌ریکا 


لۆگۆ
سەرپێچی

وتار

زۆرترین خوێندراو