ترامپ بۆ کۆبونه‌وه‌ى له‌گه‌ڵ سه‌رۆکى کۆریاى باکور گه‌یشته‌ سینگافور

6/10/2018 10:13:00 PM
وێنەکان
ترامپ بۆ کۆبونه‌وه‌ى له‌گه‌ڵ سه‌رۆکى کۆریاى باکور گه‌یشته‌ سینگافور
جەماوەر نیوز
جه‌ماوه‌رنیوز








دۆناڵد ترامپ گه‌یشته‌ سینگافور بۆ کۆبونه‌وه‌که‌ى که‌ بڕیاره‌ له‌گه‌ڵ سه‌رۆکى کۆریاى باکور کیم جون ئوندا بکات. ئه‌و کۆبونه‌وه‌یه‌ى که‌ ڕێبه‌رى ئه‌مه‌ریکا ده‌ڵێت گه‌شبینه‌ به‌رامبه‌ری.

پاش ئه‌وه‌ى ڕۆژى یه‌کشه‌ممه‌ 10ى حوزه‌یرانى 2018 گه‌یشته‌ سینگافور له‌لایه‌ن وه‌زیرى ده‌ره‌وه‌ى سینگافور ڤیڤیان بالاکریشنانه‌وه‌ پێشوازى لێکرا.

کاتێک له‌لایه‌ن په‌یامنێرانه‌وه‌ پرسیارى له‌سه‌ر پێشبینیه‌کانى بۆ کۆبونه‌وه‌که‌ لێکرا، سه‌رۆک ى ئه‌مه‌ریکا ووتى هه‌ستێکى باشى هه‌یه‌.

به‌ر له‌وه‌ى بگات ترامپ دانى به‌وه‌دانا به‌ره‌و ناوچه‌یه‌کى ئاشکرانه‌کراو ده‌ڕوات بۆ کۆبونه‌وه‌که‌ى ڕۆژى سێشه‌ممه‌.

له‌ وه‌ڵامى پرسیارێکى ده‌نگى ئه‌مه‌ریکا به‌ر له‌ به‌ڕێکه‌وتنى بۆ ئاسیا له‌ که‌نه‌داوه‌ که‌ له‌وێش به‌شدارى کۆبونه‌وه‌ى گروپى 7 ى کرد، دۆناڵد ترامپ ووتى هه‌ستێکى باشى هه‌یه‌ له‌ سه‌ر کۆبونه‌وه‌ى بێپێشینیه‌که‌ى له‌گه‌ڵ سه‌رۆکى کۆریاى باکور.

سه‌رۆکى ئه‌مه‌ریکا ووتیشى له‌و بڕوایه‌دایه‌ کیم، که‌ نیوه‌ى ته‌مه‌نى ترامپى هه‌یه‌، هه‌وڵ ده‌دات شتێکى باش بکات بۆ خه‌ڵکى خۆی. به‌ڵام وتیشى کیم ئه‌م ده‌رفه‌ته‌ نایه‌ته‌وه‌ به‌ر ده‌مى ئه‌گه‌ر وتووێژه‌کان به‌ باشى به‌ڕێوه‌ نه‌چن.







ده‌نگى ئه‌مه‌ریکا


لۆگۆ
سەرپێچی

وتار

زۆرترین خوێندراو