ژماره‌ى ئاواره‌کانى باشورى سوریا گه‌یشته‌ 270 هه‌زار که‌س

7/2/2018 5:17:00 PM
وێنەکان
ژماره‌ى ئاواره‌کانى باشورى سوریا گه‌یشته‌ 270 هه‌زار که‌س
جەماوەر نیوز
جه‌ماوه‌رنیوز








نه‌ته‌وه‌ یه‌کگرتووه‌کان ده‌ڵێت له‌ ئاکامى ئۆپه‌راسیۆنه‌ له‌شکریـیه‌کانى ئه‌م دوایـیه‌ى له‌شکرى سوریا له‌ باشورى وڵاته‌که‌ى زیاتر له‌ 270 هه‌زار که‌س ئاواره‌بوون.

محه‌مه‌د ئه‌لحوارى به‌رپرسى نه‌ته‌وه‌ یه‌کگرتووه‌کان بۆ کاروبارى ئاواره‌ و په‌نابه‌ران له‌ ئوردن ئه‌مڕۆ دووشه‌ممه‌ به‌ ئاژانسى ده‌نگ‌وباسى فڕانس پـرێسى گوت" پـێشبینیمان ده‌کرد ژماره‌ى ئاواره‌کانى باشورى سوریا له‌ ئاکامى ئۆپه‌راسیۆنه‌ له‌شکریـیه‌کانى ئه‌م دوایـیانه‌ بگاته‌ 200 هه‌زار ئاواره‌، به‌ڵام له‌ ماوه‌یه‌کى کورتدا له‌ 270 هه‌زار ئاواره‌ تێپه‌ڕى کرد."

ووتیشی" سه‌ره‌تا 45 هه‌زار ئاواره‌بوون و پاشان بوو به‌ 100 هه‌زار و 160 هه‌زار و ئه‌مڕۆش بوو به‌و ژماره‌یه‌، بۆیه‌ ئێمه‌ له‌ به‌رده‌م قه‌یرانێکى مرۆیى ڕاسته‌قینه‌داین له‌ باشورى سوریا."

له‌وه‌تاى 19 ى مانگى شه‌شه‌وه‌ هێزه‌کانى حکومه‌تى سوریا به‌ پاڵپشتى ڕووسیا ئۆپه‌راسیۆنێکى فراوانیان ده‌ستپـێکردووه‌ بۆ سه‌ر پارێزگاى ده‌رعا، ئه‌و پارێزگایه‌ى له‌ مانگى سێى ساڵى 2011 یه‌که‌م خۆپـیشاندانى ناڕه‌زایى له‌ دژى حکومه‌تى سوریاى لێ‌سازکرا.

به‌پـێى کۆمه‌ڵه‌ى سوریا له‌ ئێستادا هێزه‌کانى حکومه‌ت زیاتر له‌ 58% ى پارێزگاى ده‌رعا کۆنترۆڵده‌که‌ن، به‌ڵام به‌ر له‌ ئۆپه‌راسیۆنه‌که‌ ته‌نیا 30% ى له‌ ژێر ده‌سه‌ڵاتدا بوو. هه‌روه‌ها 6% ى بارێزگاکه‌ له‌ ژێر ده‌ستى داعشدایه‌.




ده‌نگى ئه‌مه‌ریکا 


لۆگۆ
سەرپێچی

وتار

زۆرترین خوێندراو