سبه‌ى ئه‌نجوومه‌نى ئاسایشى نێوده‌وڵه‌تى له‌باره‌ى سووریا کۆده‌بێته‌وه‌

7/4/2018 11:36:00 AM
وێنەکان
سبه‌ى ئه‌نجوومه‌نى ئاسایشى نێوده‌وڵه‌تى له‌باره‌ى سووریا کۆده‌بێته‌وه‌
جەماوەر نیوز
جه‌ماوه‌رنیوز








بڕیاره‌ سبه‌ى پێنج شه‌ممه‌ ئه‌نجوومه‌نى ئاسایشى نێوده‌وڵه‌تى له‌باره‌ى ته‌شه‌نه‌سه‌ندنى پێکدادانه‌کان و گرژى و ئاڵۆزیه‌کانى له‌ باشوورى رۆژئاواى سووریا کۆده‌ببێته‌وه‌.

نوێنه‌رایه‌تى هه‌میشه‌یى سوید له‌ نه‌ته‌وه‌ یه‌کگرتووه‌کان که‌ بۆ مانگى ته‌مووز سه‌رۆکایه‌تى ئه‌نجوومه‌نى ئاسایشى نێوده‌وڵه‌تى ده‌کات رایگه‌یاند، له‌سه‌ر داواى سوید و کوێت به‌ مه‌به‌ستى تاوتوێکردنى ته‌شه‌نه‌سه‌ندنى پێکدادانه‌کان له‌ باشوورى رۆژئاواى سووریا و خراپتربوونى ره‌وشى مرۆیى له‌و ناوچانه‌ سبه‌ى پێنج شه‌ممه‌ ئه‌نجوومه‌نه‌که‌ کۆده‌بێته‌وه‌.

له‌ راگه‌یه‌ندراوه‌که‌ ئاماژه‌ى به‌وه‌ داوه‌ که‌ لایه‌نه‌کان له‌ سووریا سه‌رکه‌وتوو نه‌بوون له‌ پاراستنى هاووڵاتییان و ژێرخانى مه‌ده‌نى له‌ سووریا و داوایشى کردووه‌ هه‌وڵه‌کان چڕبکرێنه‌وه‌ بۆ که‌مکردنه‌وه‌ى گژرى و توندوتیژییه‌کان.

نه‌ته‌وه‌ یه‌کگرتووه‌کان زوو زوو نیگه‌رانى خۆى ده‌رده‌بڕێت له‌وه‌ى به‌ هۆى پێکدادانه‌کانى باشوورى رۆژئاواى سووریا مه‌ترسى له‌سه‌ر ژیانى ٧٥٠ هه‌زار که‌س هه‌یه‌.

نه‌ته‌وه‌ یه‌کگرتووه‌کان تیشکى خستۆته‌ سه‌ر ئه‌وه‌ى که‌ به‌ هۆى چڕکردنه‌وه‌ى هێرشه‌ ئاسمانییه‌کانى رژێمى به‌شار ئه‌سه‌د بۆ سه‌ر ده‌ورووبه‌رى ده‌رعا که‌ یه‌کێکه‌ له‌ ناوچه‌کانى هێورکردنه‌وه‌ى گرژییه‌کان له‌ باشوورى سووریا له‌ نێوان٢٧٠ بۆ ٣٣٠ هه‌زار که‌س ئاواره‌ و ده‌ربه‌ده‌ر بووه‌ بۆ ناوچه‌ هاوسنوورییه‌کان له‌گه‌ڵ ئوردن و داواى له‌ ئوردنیش کردووه‌ ده‌روازه‌ سنوورییه‌کانى به‌ڕوویاندا بکاته‌وه‌.





ئانادۆڵ


لۆگۆ
سەرپێچی

وتار

زۆرترین خوێندراو