10 رێگا بۆ دەربڕینی خۆشەویستی بۆ هاوسەرەکەت

ئاب 04, 2018

مەرج نییە هەموو کاتێک دەربڕینی وشەکان هێمایەک بێت بۆ خۆشەویستی، هەندێک کات ئەنجامدانی کردارێک بەسە بۆ ئەوەی سۆز و خۆشەویستی ببەخشیت بە هاوسەرەکەت و لە هەستەکانت تێبگات، ماڵپەڕی anazahra باس لە 10 رێگادەکات بۆ دەربڕینی هەستی خۆشەویستی بەبێ

وتنی هیچ وشەیەک:

1-تەرخانکردنی کاتێکی تایبەت بۆ خۆت و هاوسەرەکەت.

2-گوێگرتن لە هاوسەرەکەت و گفتوگۆیەکی ئارام بۆ ئەوەی تێیبگەیت.

3-یارمەتی بدەیت و پشتیوانی بیت لەهەموو هەنگاوێکدا.

4-لە بۆنەکاندا یان هەندێکجار بەبێ هۆ دیاریەکی جوانی پێشکەش بکە، مەرج نییە گرانبەها بێت.

5-لەرووی مەعنەویەوە پشتیوانی بکە، بەجۆرێک بتوانێت بەهێز بێت و رووبەروو بێتەوە.

6-لەکاتێکدا هاوسەرەکەت کێشەیەکی هەیە، فەرامۆشی مەکە، بەڵکو لە هەموو کاتێک زیاتر هاوکاری بکە.

7-رێزی بگرە و راوێژی پێبکە.

8-ژەمە خواردنێکی تایبەتی بۆ ئامادەبکە، کە ئارەزووی بکات، پیاوانیش دەتوانن ئەمە بکەن لەماڵەوە بێت یان دەرەوە.

9-گفتوگۆی لەگەڵدا بکە و رێگای بدە بۆچوونەکانی دەربڕێت، پێکەوە بۆچوونە جیاوازەکان یەکبخەنەوە، قوربانیدا قورس نییە، ئەگەر خۆشەویستی هەبوو.

10-بایەخ بە هەستەکانی بدە، بە نمونە کاتێک خەمبارە باوەشێک یان بۆنێکی تۆ رەنگە ئەو خەمەی بڕەوێنێتەوە.

 

خەندان لایف-