مه‌كته‌بی سیاسی حزبی سۆسیالیست ڕاگه‌یه‌نراوێك بڵاوده‌كاته‌وه‌

فه‌ره‌نسا ئاماده‌یی نیشاندا بۆ هاوكاریكردنی عێراق له‌كه‌رتی ووزه‌دا

شوبات 25, 2019

جه‌ماوه‌رنیوز

 

ئه‌مڕۆ دووشه‌ممه‌ ٢٥ی شوبات له ‌كۆشكی ئه‌لیزێ د. به‌رهه‌م ساڵح، سه‌رۆكی كۆماری عێراقی فیدراڵ و ئه‌مانۆیل ماكرۆن ، ‌سه‌رۆكی فه‌ره‌نسا كۆبوونه‌وه‌ و سه‌باره‌ت به‌ دۆخی سیاسی و په‌ره‌پێدانی په‌یوه‌ندییه‌ دیبلۆماسیه‌کان و هه‌لومه‌رجی ئه‌منی رۆژهه‌ڵاتی ناوەڕاست و جیهان گفتوگۆیانكرد. 

نوسینگه‌ی راگه‌یاندنی سه‌رۆك كۆماری عێراقی فیدراڵ ده‌قی دیداره‌كه‌ی تایبه‌ت بۆ جه‌ماوه‌رنیوزی ناردووه‌ تێداهاتووه‌ د.به‌رهه‌م ساڵح و ماكرۆن باسیان له‌ گرنگی په‌یوه‌ندییه‌ دووقۆڵییه‌كان و چۆنیه‌تی به‌ره‌وپێشبردنی په‌یوه‌ندییه‌كانی عێراق و فه‌رەنسا له ‌گشت بواره‌كاندا كرد که‌ زامنی به‌رژه‌وه‌ندی هاوبه‌شی هه‌ردوولا بکات و یارمه‌تیده‌ری عێراقیش بێت بۆ تێپه‌ڕاندنی قه‌یرانه‌کان و ده‌سپێکردنی پرۆسه‌ی ئاوه‌دانکردنه‌وه‌. 

هه‌ر له‌دیداره‌كه‌دا د. به‌رهه‌م ساڵح خواستی عیراقی بۆ به‌‌شداری فه‌ڕه‌نسا له‌ ئاوه‌دانكردنه‌وه‌ی عێراق و بوژانه‌وه‌ی ژێرخانەکەی ده‌ربڕی و له‌م روه‌شه‌وه‌ جه‌ختی له‌ ناوچه‌ ئازادكراوه‌كانی ژێر ده‌سه‌ڵاتی داعش کرده‌وه‌، هاوكات‌ داوای كرد فه‌ره‌نسا هاوكاری عێراق بكات له‌ وه‌به‌رهێنان له‌ كه‌رته‌كانی پیشه‌سازی و نه‌وت و ووزه‌ دا، به‌ تایبه‌ت باسی له‌ پێویستی گه‌شه‌پێدانی توانا سه‌ربازی و ئه‌منیه‌كانی عێراق له‌ لایه‌ن فه‌ره‌نساوه‌ کرد، له‌م چوارچێوه‌یه‌شدا رۆڵی به‌رچاوی فه‌ره‌نسای له ‌هاوپه‌یمانی نێوده‌وڵه‌تی دژی تیرۆر و پشتیوانیكردنی عێراق له‌ به‌رنگاربوونه‌وه‌ی داعشدا به‌ گرنگ وه‌سف کرد. 

ماكرۆن ته‌ئکیدی له‌ پێویستی به‌هێرکردنی په‌‌یوه‌ندییه‌کانی عێراق و فه‌ره‌نسا کردەوه‌، هاوکات ئاماده‌یی وڵاته‌كه‌شی نیشاندا بۆ پێشكه‌شكردنی هاوكاری له‌كه‌رتی ووزه‌ و پیشه‌سازی و نه‌وتدا، راشیگه‌یاند بۆ سه‌قامگیری و ده‌سته‌به‌رکردنی ئاسایش و ئارامی ئاماده‌ی هه‌ماهه‌نگی و کاری هاوبه‌شن له‌گەڵ عیراقدا.