Error: No articles to display

نرخی ئەمپێری مۆلیدەی ئەهلی دیاریكرا

کانونی یەکەم 02, 2018

جه‌ماوه‌رنیوز

نرخی كاتژمێرێك ئەمپێری كارەبای مۆلیدە لە مانگی تشرینی دووەم (44) دینار دەبێت، هاوكات خشتەی پێدانی كارەبای مۆلیدە ئەهلییەكان لە سنوری پارێزگای سلێمانی بۆ مانگی تشرینی دووەم دیاریكرا. 

سیروان محەمەد، وتەبێژی بەڕێوەبەرایەتی گشتی كارەبای سلێمانی رایگەیاند نرخی كاتژمێرێك ئەمپێری مۆلیدەی ئەهلی بە44 دینار بۆ مانگی 11 دیاریكرا،  موەلیدەكانیش بەتێكڕایی لەنێوان 180 بۆ 200  كاتژمێر كاریان كردووە، بەوەش نرخی ئەمپێرێك لە نێوان 8000 بۆ 9000 هەزار دینار دەبێت، بەوەش نرخی ئەمپێڕێك لە گەرەكێك بۆ گەرەكێكی تر جیاوازە. 

سەبارەت بەبەرنامەی كاركردنی موەلیدەكان بۆ مانگی دوازدە، وتەبێژی بەڕێوەبەرایەتی گشتی كارەبای سلێمانی وتی بەرنامەی مۆلیدە ئەهلییەكان رۆژانە  لە كاتژمێر 1:00 ی پاشنیوەڕۆ بۆ 1:00 شەو، و بەیانیانیش كاتژمێر 7:00 _8:30 بەیانی  دەبێت، لەوماوەیەدا كارەبای نیشتیمانی بڕا پێویستە مۆلیدە ئەهلییەكان كارەبا بۆ هاوڵاتیان دابین بكەن، بەڵام  رۆژانی هەینی بەیانیان كار ناكەن و لەبری ئەوە  پێش نیوەروان كاتژمێر 11:30 كار بە مۆلیدەكان دەكەن. 

وتیشی لە كۆبونەوەكەدا، ئەو خاڵە دووپات كرایەوە كە پێویستە پاش كوژانەوەی كارەبای نیشتمانی 15 خولەك زیاتر بەسەر دابینكردنی كارەبای مۆلیدە تێنەپەرێت ، بەپێچەوانەوە، سەرپێچیكار رووبەرووی یاسا دەكرێتەوە. 

سەبارەت بە نرخی كارەبای یەكەكانی نیشتەجێبوون و سیتیەكان نرخی كیلۆواتێك بە (228) دینار دیاریكرا، بەڵام ئەگەر سیتیەكان وێستگەكانیان 11 كەیڤی بوو ئەوا 5 دینار و وێستگەكەی 33 كەیڤی بوو 10 دیناری بۆ زیاد دەكرێت