Error: No articles to display

موچه‌ی نه‌دراوه‌كانی 2018 پاشه‌كه‌وت ناكرێت

کانونی یەکەم 11, 2018

جه‌ماوه‌رنیوز

وەزیری دارایی و ئابووری هەرێمی کوردستان رایگەیاند 3 مووچەی مانگەکانی 10 و 11 و 12 پاشکەوت ناکرێت. 

ئه‌مرۆ سێ شه‌ممه‌ 11ی كانونی یه‌كه‌م‌ له‌ كۆنگره‌یه‌كی رۆژنامه‌وانیدا رێباز حەملان، وەزیری دارایی و ئابووری هەرێمی کوردستان ڕایگه‌یاند لە پەیوەندییەکی زۆر باشداین لەگەڵ حکومەتی عێراق، بە تایبەتیش ئێستا لەگەڵ وەزیری دارایی د. فوئاد حوسێن، رۆڵێکی ئیجابی باشیان هەبووە لەوەی لێکنزکبوونەوەیەکی تەواو هەیە، لەسەر پشكی هەرێمی کوردستان لە بەشە بودجەی حکومەتی عێراقی، بۆیە هیوایەکی باش هەیە لانی کەم مەسەلەی مووچە ئەگەر 100%یش چارەسەر نەکرێت، بەڵام بەشێکی باشی چارەسەر بکرێت کە هەم بەردەوامبین لەسەر ئەوەی 30 رۆژ جارێک مووچە بدەین.

وه‌زیری دارایی هه‌رێم وتیشی لە کابینەی هەشت کاری زۆر باشکرا، هەوڵی زۆر درا بۆ دانەوەی قەرزەکانمان، بەشێکی زۆر چاک لە قەرزی بانکە ئەهلییەکانمان چارەسەرکردووە، بەردەوامین لەسەر دانەوەی قەرزی بەڵێندەرەکان

رێباز حەملان هێمای بۆ ئه‌وه‌ كرد پاشەکەوتی مووچە لەو یاسا چاکسازییەی کە حکومەتی هەرێمی کوردستان بردویەتییە پەرلەمانی کوردستان،مافی فەرمانبەرانی تێدا جێبەجێکراوە، کە چۆن بگەڕێندرێتەوە، هیوادارین لەو خولەی پەرلەمان بە زووترین کات ئەو یاسایە تێپەڕێندرێت، کە ئەو یاسایەش تێپەڕێندرا، دوو کاری گرنگی تێدا جێبەجێ دەبێت، یەکەمیان مەسەلەی پاشەکەوتی مووچەیە، دووەمیشیان ئەو پاشەکەوتانەی لە رابردوودا کراون چۆن دەدرێتەوە".