بەپێی ماددەی 14ی هۆشبەر ئافره‌ت و پیاوێك دەستگیردەكرێن

کانونی یەکەم 17, 2018

جه‌ماوه‌رنیوز

پۆلیسی سلێمانی له‌ ڕاگه‌یه‌نراوێكدا بڵاویكرده‌وه‌ لەلایەن هێزەكانی بنكەی پۆلیسی شۆڕشی سەر بەبەشی پۆلیسی چەمچەماڵ ژن و پیاوێك بەپێی ماددەی 14ی هۆشبەر دەستگیركران.
له‌ ڕاگه‌یه‌نراوه‌كه‌دا هاتووه‌ ڕۆژی 15ی 12ی 2018 ، كاتژمێر دووی پاشنیوەڕۆ هێزەكانی بنكەی پۆلیسی شۆڕش ئاگاداركرایەوە لەبوونی ئافره‌تێكی بێ هۆش لەنزیك مۆنۆمێنتی ئەنفالی چەمچەماڵ بەناوی (ه، ف، ج) لەدایكبووی (1983) بەڕەگەز عەرەب، دوای گەیشتنی هێزەكانی پۆلیس ئافره‌ته‌كه‌ ڕەوانەی پزیشكی دادی سلێمانی كرا و دوای ئەنجامدانی پشكنین دەركەوت ماددەی هۆشبەری لەجۆری (ئەمیڤیتامین)ی بەكارهێناوە بۆیە بەبڕیاری دادوەر و بەپێی مادەی 14لە یاسای هۆشبەر دەستگیركرا .
پاش ئەوەی لێكۆڵینەوەكان دەستیان پێكردوو ووتەی تۆمەتباری ناوبراو وەرگیرا توانرا ئەمڕۆ تۆمەتبارێكی تر لە ڕەگەزی نێر بەناوی (ش، م، ع) لەدایكبووی 1982 كە كوردە بەبڕیاری دادوەرو بەپێی ماددەی 14ی هۆشبەر دەستگیربكرێت .
لەئێستاشدا لەلایەن بنكەی پۆلیسی شۆڕشەوە پەڕاوی لێكۆلینەوە بۆ هەردوو تۆمەتبار كراوەتەوەو لێكۆڵینەوەكان بەردەوامن.