Error: No articles to display

هەلى کار بۆ هەڵگرانى ماستەر و دکتۆرا دەڕەخسێنێت

کانونی یەکەم 17, 2018

جه‌ماوه‌رنیوز

وەزارەتى خوێندنى باڵا و توێژینەوەى زانستى هەلى کار بۆ هەڵگرانى بڕوانامەى خوێندنى باڵا/ ماستەر و دکتۆرا دەڕەخسێنێت، و داوایان لێدەکات لە ڕێگەى وەزارەتەوە داواکارى بۆ دامەزراندن لە زانکۆ و پەیمانگە تایبەتەکان پێشکەش بکەن.

عەباس ئەکرەم، وتەبێژى وەزارەتى خوێندنى باڵا و توێژینەوەى زانستى ڕایگەیاند بەمەبەستى رەخساندنى هەلى کار بۆ هەڵگرانى بڕوانامەى خوێندنى باڵا، وەزارتەکەمان داوا لە هەڵگرانى ماستەر و دکتۆرا دەکات داواکارى بۆ دامەزراندن لە زانکۆ و پەیمانگە تایبەتەکان وەک میلاک پێشکەش بکەن لەو پسپۆڕییانەى کە لە زانکۆ و پەیمانگە تایبەتەکان دەخوێندرێت .

وتەبێژى وەزارەتى خوێندنى باڵا و توێژینەوەى زانستى مه‌رج و داواكارییه‌كانی به‌م شێوه‌یه‌ ئاشكرا كرد:

یه‌كه‌م: مه‌رجه‌كان

  1. هەڵگرى بڕوانامەى ماستەر و دکتۆرابێت
  2. لە هیچ شوێنێک دانەمەزرابێت
  3. نازناوى زانستى هەبێت
  4. ئەو پێشکەشکارانەى نازناوى زانستییان نییە، پێویستە مەرجەکانى وەرگرتنى نازناوى زانستیان تێدابێت
  5. پێشکەشکاران لە ڕێگەى ئیمەیڵى (ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.)  زانیارییەکان ڕەوانە بکەن.

دوه‌م: پێداویستیه‌كان

  1. پێویستە هەڵگرانى بڕوانامەى خوێندنى باڵا ماستەر/ دکتۆرا داواکارییەکانیان لەڕێگەى cvپێشکەش بکەن
  2. هاوپێچ کردنى بڕوانامەکان
  3. هاوپێچ کردنى نازناوى زانستى
  4. هاوپێچ کردنى مەرجەکانى وەرگرتنى نازناوى زانستى (ئەگەر نازناوى زانستى نەبێت).