ژماره‌یه‌ك گازینۆو كافتریایەك دادەخرێن

کانونی یەکەم 20, 2018

جه‌ماوه‌رنیوز

پۆلیسی سلێمانی له‌ ڕاگه‌یه‌نراوێكدا بڵاویكرده‌وه‌ بەمەبەستی زیاتر دابینكردنی ئارامی و ئاسایشی سنورەكەیان بەشی پۆلیسی سەیدسادق بەهەمائاهەنگی لەگەڵ هێزەكانی پۆلیسی هاتوچۆو و ئاسایش هەڵمەتێكیان بۆ دەستگیركردنی كەسانی لەیاسا هەڵاتوو و دەستبەسەراگرتنی ئۆتۆمبێل و ماتۆڕسكیلی بێسەرەتا دەستپێكرد .
له‌ بڵاوكراوه‌كه‌ی پۆلیسدا هاتووه‌ لەو هەڵمەتەدا دەستگیرا بەسەر ژمارەیەك ماتۆڕسكیلی بێ‌ سەرتاو سەرجەم كافتریا و گازینۆكانی سنورەكە بەسەر كرانەوەو لەوێش دەستگیرا بەسەر چەند چەقۆ و بۆكس خەنجەرێكدا .
هەروەها ژمارەیەك لە كافتریا و گازینۆكان داخران و پەڕاوی لێكۆڵینەوەیان بۆكرایەوە بەهۆی پابەند نەبونیان بە ڕێنماییەكانەوە .
پۆلیسی سلێمانی ئه‌وه‌ی خستۆته‌ڕووهەڵمەتەكاتی هێزەكانی پۆلیسی پارێزگای سلێمانی بەسەرجەم قەزاو ناحییەكانییەوە بەردەوامی دەبێت و سەرجەم كافتریا و گازینۆكانی سنوری پارێزگای سلێمانی بەسەردەكرێنەوەو لەهەر شوێنێك سەرپێچی هەبێت ، سەرپێچیكاران دەستگیردەكرێن و ڕوبەڕوی یاسا دەكرێنەوە .