جه‌ماوه‌رنیوز

عومه‌رئاواره‌

به‌ هۆى سه‌رهه‌ڵدانى داعش له‌ لایه‌ک وداگیرکردنى ناوچه‌که‌ له‌ لایه‌ن حه‌شدى شه‌عبییه‌وه‌ له‌ لایه‌کى دیکه‌وه‌ ژماره‌یه‌ک گوندى کورد نشین له‌ سنورى شارۆچکه‌ى خانه‌قین ڕوو له‌ چۆڵکردن ده‌که‌ن ودانیشتووانه‌که‌ى که‌ هه‌زار خێزان ده‌بن ئاواره‌ ده‌بن وڕوو له‌ شاره‌کانى هه‌رێمى کوردستان ده‌که‌ن.

عه‌دنان ده‌لۆ جێگرى سه‌رۆکى ئه‌نجومه‌نى شارۆچکه‌ى خانه‌قین به‌جه‌ماوه‌ر نیوزى ڕاگه‌یاند: بارودۆخى شارۆچکه‌ى خانه‌قین وده‌وروبه‌رى له‌ سایه‌ى هێزه‌کانى حه‌شدى شه‌عبى جێگیر نییه‌ وبه‌ بارودۆخێکى مه‌ترسیدار وزۆر خراپدا تێده‌په‌ڕێت به‌و هۆیه‌شه‌وه‌ ڕۆژانه‌ دیارده‌ى کوشتن وڕفاندنى هاوڵاتیان ڕووده‌دات به‌بێ ئه‌وه‌ى ئه‌و هێزانه‌ که‌ له‌وێ جێگیرن ڕێگرى له‌و دیارده‌یه‌ بکه‌ن یاخود به‌رگرى له‌ دانیشتوانى ناوچه‌که‌ بکه‌ن.

وتیشى : له‌ ئێستادا زیاتر له‌ 15 گوندى کوردنشین به‌ هۆى مه‌ترسییه‌کانى داعش وحه‌شدى شه‌عبییه‌وه‌ ڕوویان له‌ چۆڵ کردن کردووه‌ وژماره‌ى دانیشتوانه‌که‌ى که‌ زیاتر له‌ هه‌زار خێزان ده‌بن ماڵ وحاڵى خۆیانیان به‌جێهێڵاوه‌و ڕوویان له‌ شاروشارۆچکه‌کانى هه‌رێمى کوردستان کردووه‌ .