له‌ سلێمانی یانزده‌ تۆمه‌تبار ده‌ستگیر ده‌كرێت

شوبات 12, 2019

جه‌ماوه‌رنیوز

بەڕێوەبەرایەتی پۆلیسی پارێزگای سلێمانی له‌ راگه‌یه‌نراوێكدا بڵاویكرده‌وه‌ بۆ دەستگیركردنی ئەو كەسانەی لەدادگاكانەوە فەرمانی گرتنیان بۆ دەرچووە ، لەماوەی هەفتەی ڕابردوودا هێزەكانی بنكەی پۆلیسی ڕاپەڕین 11 تۆمەتباریان دەستگیركرد

- له‌ ڕاگه‌یه‌نراوه‌كه‌ی پۆلیسی سلێمانی هاتووه‌ چوار تۆمەتبار دەستگیركران بەپێی ماددەكانی 453 و 456 كە فێلیان لە هاوڵاتیان كردووەو پارەی هاوڵاتیانیان بەفێڵ بردووە .
- سێ‌ تۆمەتباری تر دەستگیركراون بەپێی ماددەی 11ی زیادەڕۆیی بۆسەر موڵكی دەوڵەت .
- دوو تۆمەتبار دەستگیركراون بەپێی ماددەی 377 ، ناپاكی خێزانی .
- تۆمەتبارێكی تر بەپێی ماددەی 428 دەستگیركراوە كە پێشێلی شوێنی نیشتەجێبونی كردووە .
- تۆمەتبارێكی تر دەستگیركراوە كە منداڵێكی شێلاوەو هەڵاتووەو لە ئێستادا بەپێی ماددەی 24ی هاتووچۆ ڕاگیراوە .

هاوكات دەست گیراوەبەسەر دووتانكەری گازدا كە بەدەر لەڕێنماییەكانی لیژەنەكانی قایمقامیەت گازەكەیان فرۆشتووە