Error: No articles to display

كاتژمێر یانزده‌ی ئه‌مشه‌و ته‌رمی د. جه‌مال ده‌گه‌ڕێنرێته‌وه‌ سلێمانی

ئەیلول 06, 2018

 

که‌مال ئه‌حمه‌د ڕه‌شید برای دکتۆر جه‌مال له‌ لاپه‌ڕه‌ی خۆی له‌ تۆڕی کۆمه‌ڵایه‌تی بڵاویکردۆته‌وه‌  برای خۆشه‌ویستم دکتۆر ( جمال) دوای ململانێ له‌ گه‌ڵ نه‌خۆشی کۆچی دوایی کرد و کۆستێکی گه‌وره‌ بوو بۆ بنه‌ماڵه‌که‌مان و له‌ده‌ستچونێک بوو بۆ هه‌موو خه‌ڵکی ئازیزی شاری سلێمانی و بگره‌ بۆ هه‌موو کوردستان ، شه‌وی پێنج شه‌ممه‌ له‌ سه‌ر هه‌ینی ته‌رمه‌که‌ی له‌ ئه‌ڵمانیاوه‌ ئه‌گاته‌ فڕۆکه‌خانه‌ی نێوده‌وڵه‌تی سلێمانی کاتژمێر 11 ته‌رمه‌که‌ی به‌ڕێ ئه‌کرێت بۆ مزگه‌وتی ئه‌حمه‌دی حاجی علی.
 
له‌ ڕاگه‌یه‌نراوه‌که‌یدا ئاماژه‌ی بۆ ئه‌وه‌ کردووه‌  به‌یانی ڕۆژی هه‌ینی کاتژمێر 8 ی به‌یانی له‌ مزگه‌وته‌که‌وه‌ به‌ مه‌راسیمێکی تایبه‌ت به‌ هاوکاری بنه‌ماڵه‌ و به‌ڕێوه‌به‌رایه‌تی ته‌ندروستی سلێمانی و نه‌خۆشخانه‌ی منداڵانی سلێمانی به‌ڕێ ئه‌کرێت بۆ ئارامگه‌که‌ی و ته‌رمه‌که‌ی به‌ نه‌خۆشخانه‌ی منداڵاندا تێپه‌ڕ ئه‌بێت و له‌ مه‌راسیمێکدا که‌ ئه‌کرێت بۆ ناولێنانی نه‌خۆشخانه‌ی منداڵانی سلێمانی به‌ ناوی ( دکتۆر جمال أحمد ڕه‌شید ) و ئه‌ویش له‌ سه‌ر پێشنیاری به‌ڕیزان پزیشکانی هاوڕێیانی خالێخۆشبو له‌ نه‌خۆشخانه‌ی منداڵان و به‌ڕێوه‌به‌رایه‌تی ته‌ندروستی سلێمانی و ڕه‌زامه‌ندی به‌ڕێز وه‌زیری ته‌ندروستی به‌ ئه‌وپه‌ڕی پێزانینی بنه‌ماڵه‌که‌مان بۆ هه‌موو ئه‌و به‌ڕێزانه‌ و هه‌موو خه‌ڵکی شاری سلێمانی بۆ ئه‌و پێزانینه‌یان بۆ خزمه‌ته‌کانی دکتۆری.
 
 که‌مال ئه‌حمه‌د هێمای بۆ ئه‌وه‌ کردووه‌ پرسه‌که‌شی له‌ مزگه‌وتی ئه‌حمه‌دی حاجی عه‌لی بۆ ماوه‌ی دوو ڕۆژ (هه‌ینی و شه‌ممه‌ ) دائه‌نرێت بۆ پیاوان و ژنان.