Error: No articles to display

کارنامه‌ى لیستى سه‌رده‌م ژماره‌ 127

ئەیلول 12, 2018
کارنامه‌ى لیستى سه‌رده‌م
بۆ خوولى پێنجه‌مى هه‌ڵبژاردنى په‌رله‌مانى کوردستان
 
لیستى سه‌رده‌م هاوپه‌یمانیه‌کى سه‌رده‌میانه‌ به‌ کارنامه‌یه‌کى سیاسى نوێوه‌ و به‌ ئامانجى به‌ره‌و پێشچوونى پڕۆسه‌ى سیاسى و خۆش گوزه‌رانى له‌ هه‌رێمى کوردستان به‌شدارى هه‌ڵبژاردنى په‌ڕله‌مانى کوردستان ده‌کات ، پێمان وایه‌ پڕۆسه‌ى سیاسه‌تى نا ته‌ندروستى ده‌سه‌ڵات و ئه‌و لایانانه‌ى که‌ پێشتر خۆیان له‌ به‌ره‌ى ئۆپۆزسیۆندا ده‌بینیه‌وه‌ گه‌یشتۆته‌ بن به‌ست ، له‌دواى هه‌ڵبژاردنه‌کانى 21-9-2013  که‌ له‌ ئه‌نجامدا حکومه‌تێکى پێنج لایه‌نیان لێ پێکهێنا و ئۆپۆزسیۆن و ده‌سه‌ڵاتى کابینه‌یه‌کدا کۆکردۆده‌وه‌، خراپترین ئه‌زموونى حوکمڕانى له‌ هه‌رێمى کوردستاندا پیاده‌کرد و نه‌ک کێشه‌ و قه‌یرانه‌ سیاسى و ئابورییه‌کانى پێ چاره‌سه‌ر نه‌کرا ، به‌ڵکو  هێنده‌ى ترى ئاڵۆزکرد ، ئه‌و بارودۆخه‌ ناهه‌مواره‌ى له‌ماوه‌ى له‌ ماوه‌ى چوار ساڵى ڕابردوودا به‌سه‌ر خه‌ڵکى هه‌رێمى کوردستان هێنرا ، ئه‌نجامى شکستى ئه‌م حکومڕانیه‌ بوو که‌ له‌لایه‌نه‌کان هێنده‌ى خه‌ریکى به‌ش به‌شێنه‌ و ده‌ستکه‌وتى حزبى و ململانێ و ناکۆکى و ناوخۆیى و مل شکاندنى یه‌کترى بوون ئاگایان له‌ خه‌مى خه‌ڵک و ژیان و گوزه‌رانى هاوڵاتیان نه‌مابوو.
 
بۆیه‌ لیستى سه‌رده‌م وه‌ک ڕه‌وت و ئاڕاسته‌یه‌کى نوێ له‌ ژێر دروشمى "دادپه‌روه‌رى و خۆشگوزه‌رانى " کارنامه‌ى سیاسى خۆى بۆ هه‌ڵبژاردنه‌کانى په‌ڕله‌مانى کوردستان ده‌خاته‌ ڕوو .
 
1ـ کارکردن بۆ دانانى ده‌ستورێک بۆ هه‌رێمى کوردستان که‌ تیایدا سیسته‌مى سیاسى و کارگێڕى و ئه‌رک و ماف و ده‌سه‌ڵاته‌کان دیارى بکرێت .
2ـ پێکهێنانى حکومه‌تێکى نیشتیمانى کارا و به‌هێز که‌ له‌ توانایدابێت زۆرترین خزمه‌ت و ئاوه‌دانى پێشکه‌ش بکات  و سنورێک بۆ دیارده‌ى گه‌نده‌ڵى و پاوانکارى ئابوورى دابنێت و حکومه‌تى هاوڵاتى فه‌راهه‌م بکات .
3ـ کۆتایهێنان به‌ سیاسه‌تى ڕه‌تکردنه‌وه‌ى یه‌کترو سه‌قامگیرکردنى ئاشته‌واى کۆمه‌ڵایه‌تى 
4ـ ئاسایکردنه‌وه‌ى دۆخى شێوێندراوى دواى داگیرکردنى که‌رکوک و ناوچه‌ کوردستانیه‌کانى ترى ده‌ره‌وه‌ى ئیداره‌ى هه‌رێم و ڕێکخستنه‌وه‌ى کارگێڕى و سیاسى به‌ جۆرێک هاوسه‌نگى بپارێزێت .
5ـ پاراستنى سه‌ربه‌خۆیى دادگاکان و ڕۆڵى داواکارى گشتى و پابه‌ندبوون به‌ سه‌روه‌رى یاسا .
6ـ بنیادنانه‌وه‌ى ژێرخانى ئابوورى و به‌هه‌مه‌جۆرکردنى سه‌رچاوه‌کانى داهات.
7ـ په‌ره‌بێدان و ڕێکخستنى سیسته‌مى بانکى و دڵنیایى له‌ دانه‌وه‌ و هه‌ڵوه‌شانه‌وه‌ى پاشه‌که‌وتى موچه‌ و پێدانى موچه‌ له‌ کاتى خۆیدا .
8ـ هه‌وڵدان بۆ بنیادنانى پیشه‌سازى و پیترۆ کمیاوى  که‌ ببێته‌ به‌ردى بناغه‌ى ئابووریه‌کى به‌هێزى پشت به‌خۆ به‌ستوو .
9ـ دابینکردنى شوێنى نیشته‌جێبوون بۆ فه‌رمانبه‌ران و کرێ نشینان له‌ پڕۆژه‌ نیشته‌جێکردن .
10ـ داڕشتنى پلانێکى ستراتیجى بۆ پێشخستنى که‌رتى گواستنه‌وه‌ و گه‌یاندن له‌ ڕووى "زه‌مینى وئاسمانى " یه‌وه‌ 
11ـ ڕه‌خساندنى هه‌لى کار و دامه‌زراندن بۆ ده‌رچوانى زانکۆ و په‌یمانگاکان و ئاماده‌ییه‌ پیشه‌ییه‌کان .
12ـ بودجه‌ى گشتى کوردستان به‌شێوازێکى دادپه‌روه‌رانه‌ بێت که‌ تیایدا هه‌موو چین و توێژه‌کانى کۆمه‌ڵگه‌ ده‌سته‌به‌ر بکات .
13 ـ چاکردنى سیسته‌مى ته‌ندروستى و ڕێکخستنى کارى نه‌خۆشخانه‌و نۆرینگه‌ ئه‌هلیه‌کان و هه‌وڵدان بۆ فه‌راهه‌مکردنى ده‌سته‌به‌رى ته‌ندروستى بۆ هاوڵاتییان و و سزادانى بازرگانانى بوارى ته‌ندروستى که‌ ڕه‌چاوى کواڵێتى ده‌رمان که‌رسته‌ پزیشکیه‌کان ناکه‌ن . 
14 ـ زیادکردنى ڕێژه‌ى سه‌وزایى و پاراستنى ژینگه‌ و بایه‌خدان به‌ وه‌رزش وه‌رزشوانان له‌پێناو ژیانێکى ته‌ندروستدا.
15 ـ چاککردنى دۆخى خوێندگاکان و سیسته‌مى په‌روه‌رده‌ به‌ شێوه‌یه‌ک که‌ له‌گه‌ڵ واقعى کۆمه‌ڵایه‌تى وئابوورى کوردستاندا بگونجێت .
16 ـ پشتگیرى مامۆستایان و خوێنکاران و گرنگى دانى زیاتر به‌ ژیان و توانایان و دابینکردنى ده‌رماڵه‌و مووچه‌کانیان .
17 ـ گرنگیدان به‌ به‌نداوه‌کان و دروستکردنى به‌نداوى زیاتر له‌ پێناو گه‌شه‌سه‌ندنى کوشتوکاڵ.
18ـ گرینگیدان به‌ به‌روبومى ناوخۆیى و ساغکردنه‌وه‌ى به‌رهه‌مى چووتیاران .
19ـ پاراستنى مافه‌کانى مرۆڤ و به‌هێزکردنى دامه‌زراوه‌کانى کۆمه‌ڵگاى مه‌ده‌نى . 
20ـ زامنکردنى کار و پاراستنى سه‌لامه‌تى کرێکاران و دابینکردنى ده‌سته‌به‌رى کۆمه‌ڵایه‌تى له‌ کاتى نه‌خۆشى و به‌رکه‌وتن و به‌ساڵاچوون و مردندا به‌ پێى یاسا.
21ـ ڕه‌تکردنه‌وه‌ى هه‌موو شێوازه‌کانى توندوتیژى خێزانى 
22ـ باشترکردنى ژیان و گوزه‌رانى زیندانیان و خێزانه‌کانیان.