Error: No articles to display

دادگای سلێمانی ڕونكردنه‌وه‌یه‌ك بڵاوده‌كاته‌وه‌

ئەیلول 21, 2018

جه‌ماوه‌رنیوز

سەرۆکایەتی دادگای تێهەڵچونەوەی ناوچەی سلێمانی ڕونکردنه‌وه‌یه‌ک بلاو ده‌کاته‌وه‌ تێداهاتووه‌ " دادگای_سلێمانی دڵنیایی دەداتە هاووڵاتیان و دانیشتووانی پارێزگای سلێمانی کە بەهیچ شێوەیەک چاوپۆشی لە پێشێلکردنی یاسا و یاساشکێنی ناکەین و ئیجرائاتی قانونی تەواو دژی هەر کەس و لایەنێک دەگرینەبەر کە ئاژاوەگێڕی بکات و یاسا پێشێل بکات".
له‌ ڕوونکردنه‌وه‌کی دادگای سلێمانی ئه‌وه‌ خراوه‌ته‌ڕوو هەموو هەوڵێک دەدەین بۆ پاراستنی ماف و کەرامەتی یاسایی هەموو مرۆڤێک بێ جیاوازی.

ده‌قى روونکردنه‌وه‌که‌ى دادگا

لە چەند رۆژی رابردوودا لە تۆڕەکۆمەڵایەتییەکان و هۆکارەکانی راگەیاندن گرتەیەکی ڤیدیۆیی بڵاوبووەتەوە کە کەسێک بەلێدان و سوکایەتی دەستدرێژی دەکاتە سەر هاووڵاتییەک.

ئاگاداری هەموولایەک دەکەینەوە کە تۆمەتبار بە فەرمانی دادوەری لێکۆڵینەوە لە ڕۆژی 13 – 9 2018وە دەستگیرکراوە و ئێستا دەستبەسەرە و لەژێر لێکۆڵینەوەدایە و لە چەند دۆسیەیەکی تری تاوانکاریدا داواکراوە، وە هەموو ڕێکارێکی یاسایی بەرامبەر دەگیرێتە بەر.

دادگای_سلێمانی دڵنیایی دەداتە هاووڵاتیان و دانیشتووانی پارێزگای سلێمانی کە بەهیچ شێوەیەک چاوپۆشی لە پێشێلکردنی یاسا و یاساشکێنی ناکەین و ئیجرائاتی قانونی تەواو دژی هەر کەس و لایەنێک دەگرینەبەر کە ئاژاوەگێڕی بکات و یاسا پێشێل بکات، وە هەموو هەوڵێک دەدەین بۆ پاراستنی ماف و کەرامەتی یاسایی هەموو مرۆڤێک بێ جیاوازی، ئەمەش بە هاوکاری و هەماهەنگی لەگەڵ دەسەڵاتی جێبەجێکردن و دەزگاکانی پۆلیس و ئاسایشی ناوخۆ.

سەرۆکایەتی دادگای تێهەڵچونەوەی ناوچەی سلێمانی
۲۰۱۸/۹/۲۱