Error: No articles to display

ئه‌مڕۆ ناوی خوێندكارانی زانكۆ و په‌یمانگا ڕاده‌گه‌یه‌نرێت

تشرینی یەکەم 12, 2018

جه‌ماوه‌رنیوز
ئه‌مڕۆ هه‌ینی 12ی تشرینی یه‌که‌م کاتژمێر (10:00)ی پێش نیوه‌ڕۆ ناوی ده‌رچوانی 12ی ئاماده‌یی له‌ زانکۆ و په‌یمانگاکان ڕاده‌گه‌یه‌نریت.
ئه‌مڕۆ زانکۆلاین کارادەبێت و خوێندکارانی دەرچووی ١٢ی ئامادەیی دەتوانن ئه‌نجامه‌کانیان وه‌ربگرن.
له‌ کۆنگره‌یه‌کی رۆژنامه‌وانیدا د. خه‌تاب شێخانی، به‌ڕێوه‌به‌ری گشتی دیوانی وه‌زاره‌تی خوێندنی باڵا ڕاگه‌یاند بۆ ئه‌مساڵی خوێندن 39057 کورسی خوێندن هه‌بووه‌ ژماره‌ی پێشکه‌شکاران بریتی بووه‌ له‌ 54042 خوێندکار، ژماره‌ی وه‌رگیراوان له‌ زانکۆ و په‌یمانگاکان بریتیه‌ له‌ 28609 خوێندکار.
ئه‌وه‌شی خسته‌روو که‌مترین نمره‌ی وه‌رگیراو له‌ زانکۆ حکومیه‌کانی هه‌رێم بریتییه‌ له‌ 60 .
له‌باره‌ی ده‌ستپێکردنی خویندنی قۆناغی یه‌که‌می زانکۆ و په‌یمانگاکان د. خه‌تاب وتی واده‌ی ده‌ستپێکردنی خوێندنی قۆناغی یه‌که‌می زانکۆی په‌یمانگاكان رۆژی 21ی تشرینی یه‌که‌می 2018 ده‌بێت.