Error: No articles to display

ئێستا ژماره‌یه‌كی زۆر له‌ ده‌رچوانی 12ی ئاماده‌یی كۆبونه‌ته‌وه‌ له‌ به‌رده‌م وه‌زاره‌تی خوێندنی باڵا

تشرینی یەکەم 14, 2018

جه‌ماوه‌رنیوز
ئێستا ژماره‌یه‌کی زۆر له‌ ده‌رچوانی 12ی ئاماده‌یی کۆبونه‌ته‌وه‌ له‌ به‌رده‌م وه‌زاره‌تی خوێندنی باڵا و توێژینه‌وه‌ی زانستی به‌ به‌مه‌به‌ستی ناڕه‌زای ده‌ربڕین و په‌ڵپگرتن له‌ نه‌گه‌ڕانه‌وه‌ی ناوه‌کانیان له‌ زانکۆ لایه‌ن.
به‌شێک له‌ خوێندکاران گله‌ییان له‌ شێوازی گه‌ڕانه‌وه‌ی ناوه‌کانیان هه‌یه‌ و ئاماژه‌ به‌وه‌ ده‌که‌ن که‌ جیاوازیه‌کی زۆر دانراوه‌ له‌ نێوان خوێندکارانی ده‌رچوی خولی یه‌که‌م و خولی دووه‌م به‌ جۆرێک 10 نمره‌ جیاوازیه‌که‌یه‌.
له‌لایه‌کی تره‌وه‌ به‌شێکی تر له‌ خوێندکاران ناویان نه‌گه‌ڕاوه‌ته‌وه‌.
دوێنێ وه‌زاره‌تی خوێندنی باڵا له‌ ڕاگه‌یه‌نراوێکدا بڵاوی کرده‌وه‌ کۆمه‌ڵێک ده‌رچوی پۆلی دوانزه‌ی ئاماده‌یی، که‌ ژماره‌یان (860) ده‌رچوه‌، سه‌رباری ئه‌وه‌ی (50) شوێنیان له‌ فۆرمه‌کانی پێشکه‌شکردن له‌ سیستمه‌کانی وه‌رگرتن پرکردۆته‌وه‌، به‌ڵام به‌هۆی ئه‌وه‌ی لیستی شوێنه‌کانیان ڕه‌وانه‌ نه‌کردوه‌ (Submit) بۆیه‌ ناویان له‌ هیچ شوێنێک نه‌هاتۆته‌وه‌.
‌بۆیه‌ هه‌ر خوێندکارێک ناوی له‌م لیسته‌دا هه‌یه‌ و، ئاره‌زوی وه‌رگرتن له‌ زانکۆکان ده‌که‌ن ده‌توانن ڕۆژی یه‌ک شه‌ممه‌، ڕێکه‌وتی (14ی تشرینی یه‌که‌م) سه‌ردانی دیوانی وه‌زاره‌ت/به‌ڕێوه‌به‌رایه‌تی ناوه‌ندی وه‌رگرتن بکه‌ن بۆ ئه‌وه‌ی کێشه‌کانیان یه‌کلای بکه‌نه‌وه‌، به‌شێوه‌یه‌ک به‌پێی نمره‌کانیان ناویان له‌و شوێنانه‌ بێته‌وه‌، که‌ ئاره‌زوی ده‌که‌ن، هه‌ر خوێندکارێکیش سه‌ردانی وه‌زاره‌ت نه‌کات و جه‌خت له‌ داخوازیه‌که‌ی نه‌کاته‌وه‌ بۆ ئه‌مساڵی خوێندن مافی وه‌رگرتنی نامێنێ