Error: No articles to display

جیاوازی نمره‌ی ده‌رچوی خولی یه‌كه‌م و دووه‌می 12ی ئاماده‌یی كه‌مده‌كرێته‌وه‌‌

تشرینی یەکەم 23, 2018

جه‌ماوه‌رنیوز
دواى ئەوەى وه‌زاره‌تی خوێندنی باڵا و توێژینه‌وه‌ی زانستی له‌ چه‌ند ڕۆژی ڕابردودا، پلانى وەرگرتنى لە زانکۆ و پەیمانگەکان بۆ ساڵی خوێندنی (2018-2019) زیاد کرد، به‌شێوه‌یه‌ک به‌هۆی پلانه‌که‌وه (16) هەزار کورسى خوێندن بۆ ئەو خوێندکارانە خرایه‌به‌رده‌ست، کە لە هیچ شوێنێک وەرنەگیراون، لە ئەنجامدا (5200) پێنج هەزار و دوسەد سکاڵا تۆمارکرا، به‌ڵام نزیکه‌ی (11) یانزه‌ هه‌زار کورسی بەبەتاڵى مانەوە.
له‌ پێناو به‌رژه‌وه‌ندی گشتی و، ڕەخساندنى دەرفەتی زیاتر بۆ دەرچوانى خولى دوەمى قۆناخى دوانزەى ئامادەیى،وەزارەتى خوێندنى باڵا و توێژینەوەى زانستى چه‌ند بڕیارێکی گرنگیدا، که‌ بریتین له‌مانه‌ی خواره‌وه‌:
1. جەخت کردنەوە لەسەر ئەوەی کە جیاوازی که‌مترین کۆنمره‌ی وه‌رگرتن له‌ نێوان خولی یه‌که‌م و خولی دوه‌م به‌شێوه‌یه‌ک بێت له‌ (3) نمره‌ زیاتر تێپه‌ڕ نه‌کات. سیستمى سکاڵاکەش بەشێوەیەک ڕێکخراوە لە هەر بەشێک بەپێى پێویست سیستمەکە خۆى کورسى بۆ دەرچووانى خولى دووەم زیاددەکات، تا جیاوازى نێوان کەمترین کۆنمرەى هەردوو خول دێتە کەمتر لە ٣ نمرە.
2. ئەو (٥٠) شوێنەى دەرچووانى خولى دووەمى دوانزەى ئامادەیى پێشتر داواکارییان لێى پێشکەش کردووە، بەپێى کەمترین کۆنمرەى وەرگرتن دەبێتە بنەما بۆ وەرگرتنیان لە زانکۆ و پەیمانگەکان، واتە ئەگەر نمرەى دەرچوو بەپێى ئەو (٥٠) شوێنەى هەڵیبژاردووە وەرگیرابێت ئەوا بەپێى ریزبەندى سیستمەکە ئەو شوێنەى بۆ دەستنیشاندەکات.
3. کردنه‌وه‌ی ده‌رگای سکاڵا تۆمارکردن بۆ سه‌رجه‌م ده‌رچوانی خولی دوه‌م، بۆیه‌ له‌ ڕێکه‌وتی (25/10/2018) تا (30/10/2018) ده‌رچوانی خولی دوه‌م ده‌توانن به‌هه‌مان وشه‌ی تێپه‌ڕ و وشه‌ی نهێنی (پاسۆرد و یوزه‌رنه‌یم) سکاڵاکانیان له‌ وێبسایتی (www.regayzanko.com) به‌شێوه‌ی ئۆنلاین تۆمار بکه‌ن.
4. ئەو (860) دەرچوەى،که‌ سه‌رباری ئه‌وه‌ی (50) شوێنیان له‌ فۆرمی پێشکه‌شکردن له‌ سیستمه‌کانی وه‌رگرتن پرکردۆته‌وه‌، به‌ڵام به‌هۆی ئه‌وه‌ی لیستی شوێنه‌کانیان ڕه‌وانه‌ نه‌کردبو (Submit)، ناویان لە هیچ شوێنێک نەگەڕابوه‌ ئەگەر لە دەرچووانی خولی دوەم بن ئەوا به‌هه‌مان شێوه‌ ئه‌وانیش دەتوانن سوود لەم دەرفەتە وەربگرن‌.
5. ئه‌و (5200) دەرچووەی که‌ له‌ ماوه‌ی سکاڵای یه‌که‌مجار سکاڵایان تۆمارکردبو، ده‌توانن سود له‌و ده‌رفه‌ته‌ وه‌ربگرنه‌وه‌ و، به‌سکاڵاکانیاندا بچنه‌وه‌.
6. ده‌رچوانی خولی دوه‌م، که‌ ناویان له‌ هه‌ر شوێنێک گه‌ڕاوه‌ته‌وه‌ و ئێستا وه‌رگیراون، به‌ڵام به‌شوێنه‌کانیان ڕازی نین، به‌هه‌مان شێوه‌ ده‌توانن سکاڵا تۆمار بکه‌ن.
7. هه‌ر ده‌رچویه‌کی خولی دوه‌م، که‌ پێشتر نه‌یتوانیوه‌ سکاڵا تۆمار بکات، له‌ ماوه‌ی دیاریکراو ده‌توانێ سکاڵای خۆی تۆمار بکات.

وەزارەتى خوێندنى باڵا و توێژینەوەى زانستى دەرچوانى پۆلى دوانزەى ئامادەیى دڵنیا ده‌کاته‌وه‌، که‌ ستافی وه‌زاره‌ت له‌ هه‌وڵه‌کانمان به‌رده‌وامین، چونکه‌ خۆمان به‌خەمخۆر و لایەنى سەرەکى ئەم پرۆسه‌یه‌ ده‌زانین، بەهۆى ئەوەى کە هێشتا کورسییەکانى زانکۆ و پەیمانگە حکومییەکان پڕنەبۆتەوە، هه‌ربۆیه‌ وەزارەت وەک ساڵانى پێشوو پلانى هەیە بۆ چارەسەرکردنى هەموو ئەو بابه‌تانه‌ی کە پەیوەندارن بە وەرگرتنى قوتابیان و خوێندکاران لە زانکۆکان.