Error: No articles to display

ژماره‌یه‌ك له‌ خاوه‌ن دووكانه‌كانی له‌نگه‌ی هه‌ولێر خۆپیشاندان ئه‌نجامده‌ده‌ن

تشرینی یەکەم 26, 2018

جه‌ماوه‌رنیوز
ئەمڕۆ هەینی ٢٦ی تشرینی یەکەمی ژماره‌یه‌ک خاوەن دووکانەکانی بازاڕی لەنگەی هەولێر خۆپیشاندانیان ئەنجامدا و شەقامی ١٠٠ مەتری بەردەم بازاڕەکەیان داخست.
دوایانکرد حکومه‌ت قه‌ره‌بووی زیانلێکه‌وتوان بکاته‌وه‌.
ئه‌مه‌ له‌ کاتیکدایه‌ دوێنێ له‌ تویتێکدا نێچیرڤان بارزانی ڕایگه‌یاند به‌ پێی توانا قه‌ره‌بووی زیانلێکه‌وتوانی بازاری له‌نگه‌ی هه‌ولێر ده‌که‌ینه‌وه‌.
ئه‌مرۆش د. به‌شر حه‌داد، جێگری دووه‌می سه‌رۆکی ئه‌نجومه‌نی نوینه‌رانی عێراق له‌ په‌ڕه‌ی تایبه‌تی خۆی له‌ تۆڕی کۆمه‌ڵایه‌تی رایگه‌یاند دوای سوتانی بازاڕی لەنگەی شاری هەولێر رۆژی پێنج شه‌ممه‌ گه‌ڕاوه‌ته‌وه‌ هه‌ولێر دوای له‌ وه‌زاره‌تی ئه‌وقاف و کاروباری ئایینی حکومه‌تی هه‌رێم کردوه‌ له‌وتاری هه‌ینی ئه‌مڕۆ مامۆستایانی ئایینی له‌مزگه‌وته‌کانیان داوا له‌ نوێژخوێنان بکه‌ن ھاوکاری بۆ زیانلێکەوتووانی بازاری لەنگە کۆبکه‌نه‌وه.
د. به‌شیر ئه‌وه‌شی خستۆته‌ڕوو‌.وه‌زاره‌تی ئه‌وقاف پێشنیاره‌که‌ی په‌سه‌ند کرد و بۆ ئه‌و مه‌به‌سته‌ش ئه‌مڕۆ هه‌ینی لە مزگەوته‌كانی شاری ھەولێر کۆمه‌ک و هاوکاری بۆ زیانلێکەوتووانی بازاری له‌نگه‌ کۆده‌کرێته‌وه.
به‌ره‌به‌یانی رۆژی پێنج شه‌ممه‌ بازاری له‌نگه‌ی هه‌ولێر ئاگری لێکه‌وته‌وه‌ به‌و هۆیشه‌وه‌ زیانی گه‌وره‌ی به‌رکه‌وت.