Error: No articles to display

له‌گوندێكی پشده‌ر لافاو 17 خانوو خاپور ده‌كات

تشرینی یەکەم 26, 2018

جه‌ماوه‌رنیوز
به‌هۆی لافاوه‌که‌ی ئه‌مڕۆ له‌ پشده‌ر 17 خانوو له‌ گوندێک خاپور بووله‌گه‌ڵ ئه‌وه‌شدا ئۆتۆمۆبیلێک لافاو برد.
به‌ڕێوه‌به‌رایه‌تی پۆلیسی ڕاپه‌ڕین له‌ ڕاگه‌یه‌نراوێکدا بڵاویکرده‌وه‌ به‌هۆی لافاو گوندی (قرناقان) له‌ سنوری ناحیه‌ی سه‌نگه‌سه‌ر سه‌ر به‌ قه‌زای پشده‌ر (قه‌ڵادزێ) زه‌ره‌ر و زیانێکی زۆری به‌رکه‌وتووه‌ وێڕای خاپور بوونی 17 خانووی گونده‌که‌، حه‌وشه‌ی نه‌خۆشخانه‌که‌شیان داڕما، به‌هۆی هه‌ره‌س هێنانی پردی ڕێگه‌ی نێوان گونده‌کانی ( بڕه‌دێ و پشت ئاشان و به‌تکوڕی و سینه‌مۆک ) ڕێگه‌ی هاتووچۆ ئه‌و گوندانه‌ په‌کی که‌وتووه‌.
له‌ به‌یانی ئه‌مڕۆوه‌ مه‌فره‌زه‌کانی بنکه‌ی پۆلیسی ناحیه‌ی سه‌نگه‌سه‌ر به‌ سه‌رپه‌رشتی ئه‌فسه‌ری ئێشکگر له‌ به‌شی پۆلیسی قه‌زای پشده‌ر ملازمی یه‌ک ( ڕێبوار خالید ) گه‌یشتونه‌ته‌ گونده‌کانی ئه‌و سنوره‌ بۆ به‌هاناوه‌ چوونی هاوڵاتیان به‌جێهێنانی ئه‌رکی خۆیان.
پۆلیسی ڕاپه‌ڕین له‌ راگه‌یه‌نراوه‌که‌یدا ئاماژه‌ی بۆ ئه‌وه‌ کردوه‌ له‌ گوندی (قرناقان) لافاو ئۆتۆمبێلێکی جۆری (پیکاب/نیسان)ی بردووه‌ و سه‌رجه‌م ئه‌و خانوانه‌شی ماونه‌ته‌وه‌ ئاویان تێچووه‌، وێڕای زیان گه‌یاندن به‌ تۆڕی کاره‌با و شه‌به‌کاتی ئاوی خواردنه‌وه‌.